കൊച്ചി : മുനമ്പം ജുഡീഷ്യല് കമ്മീഷന് തല്ക്കാലത്തേക്ക് പ്രവര്ത്തനം തുടരാമെന്ന് ഹൈക്കോടതി. മുനമ്പം ജുഡീഷ്യല് കമ്മീഷനെ പ്രവര്ത്തനം നിര്ത്തിവെച്ചുകൊണ്ടുള്ള ഹൈക്കോടതി സിംഗിള് ബെഞ്ച് ഉത്തരവ് ഹൈക്കോടതി ഡിവിഷന് ബെഞ്ച് സ്റ്റേ ചെയ്തു.
സിംഗിള് ബെഞ്ച് ഉത്തരവിനെതിരെ സര്ക്കാര് നല്കിയ അപ്പീല് വേനലധിക്കുശേഷം ജൂണില് പരിഗണിക്കും. ഹര്ജിയില് തീരുമാനമാകുന്നതുവരെ കമ്മീഷന് തുടരാമെന്ന് ഹൈക്കോടതി വ്യക്തമാക്കി.
മുനമ്പം ഭൂമി പ്രശ്നത്തില് നിയോഗിച്ച സി.എന്.രാമചന്ദ്രന് നായര് കമ്മിഷന്റെ നിയമനം റദ്ദാക്കിയ സിംഗിള് ബെഞ്ച് ഉത്തരവിനെതിരെ സര്ക്കാര് നല്കിയ അപ്പീലിലാണ് ചീഫ് ജസ്റ്റിസ് നിതിന് ജാംദാര്, എസ്.മനു എന്നിവരുടെ ഉത്തരവ്.
