കൊച്ചി: സംസ്ഥാനത്ത് വിവിധയിടങ്ങളില്‍ ദേശീയപാത തകർന്ന വിഷയത്തിൽ ഇടപെട്ട് ഹൈക്കോടതി. ദേശീയ പാത അതോറിറ്റിക്കെതിരെ രൂക്ഷവിമര്‍ശനം നടത്തിയ ഹൈക്കോടതി, പാതി പൊളിഞ്ഞത് കേരളത്തിന് സന്തോഷമുള്ള കാര്യമല്ലെന്നും ചൂണ്ടികാട്ടി. ദേശീയ പാത തകരാനുള്ള കാരണമെന്താണെന്ന് വ്യക്തമാക്കി ദേശീയ പാതാ അതോറിറ്റി ഇടക്കാല റിപ്പോര്‍ട്ട് നല്‍കണമെന്നും ഹൈക്കോടതി ആവശ്യപ്പെട്ടു.
ദേശീയപാതയിലെ തകര്‍ച്ചയില്‍ നിലപാടറിയിച്ച് ദേശീയപാതാ അതോറിറ്റി, കരാര്‍ക്കമ്പനിയെ കരിമ്പട്ടികയില്‍ പെടുത്തിയതായി കോടതിയെ അറിയിച്ചു. റിപ്പോര്‍ട്ട് സമര്‍പ്പിക്കാന്‍ കൂടുതല്‍ സമയം തേടിയോതോടെയാണ് ഇടക്കാല റിപ്പോർട്ട് വേഗത്തിൽ തരാൻ ഹൈക്കോടതി ആവശ്യപ്പെട്ടു. വ്യാഴാഴ്ച ഇടക്കാല റിപ്പോര്‍ട്ട് സമര്‍പ്പിക്കണമെന്നും കോടതി നിർദ്ദേശിച്ചു. ദേശീയ പാതയിലെ തകര്‍ന്ന പാതകളില്‍ ഘടനാപരമായ മാറ്റങ്ങള്‍ വരുത്തുമെന്ന് എന്‍ എച്ച് എ ഐ പറഞ്ഞു. തെറ്റായ കാര്യങ്ങള്‍ സംഭവിച്ചു. മറുപടി നല്‍കാന്‍ കൂടുതല്‍ സമയം വേണമെന്നും അതോറിറ്റി ആവശ്യപ്പെട്ടു.
