വെർജീനിയയിലെ പാട്രിക് ഹെൻറി മാളിലെ ഒരു സ്റ്റോറിനകത്ത് നടന്ന വെടിവെപ്പിൽ ഒരാൾ കൊല്ലപ്പെട്ടു. ശനിയാഴ്ച രാവിലെ ഏകദേശം 10:50-ഓടെയാണ് പോലീസിന് വിവരം ലഭിച്ചത്. സ്ഥലത്തെത്തിയ ഉദ്യോഗസ്ഥർ വെടിയേറ്റ് ഗുരുതരമായി പരുക്കേറ്റ ഒരു പുരുഷനെയാണ് കണ്ടെത്തിയത്. ഉടനെ അദ്ദേഹത്തെ ആശുപത്രിയിൽ എത്തിച്ചെങ്കിലും മരണത്തിന് കീഴടങ്ങുകയായിരുന്നു.
ന്യൂപോർട്ട് ന്യൂസ് പോലീസ് വിഭാഗവും മാൾ അധികൃതരും നൽകിയ വിവരങ്ങൾ പ്രകാരം സംഭവത്തെക്കുറിച്ചുള്ള അന്വേഷണം തുടരുകയാണെന്ന് പൊലീസ് അറിയിച്ചു.സംഭവവുമായി ബന്ധപ്പെട്ട് ഒരു പ്രതിയെ കസ്റ്റഡിയിലെടുത്തിട്ടുണ്ട് .
രണ്ടു പേർ തമ്മിലുള്ള തർക്കമാണ് വെടിവെപ്പിന് കാരണമായതെന്നാണ് പോലീസിന്റെ പ്രാഥമിക നിഗമനം. പൊതുജനങ്ങൾക്ക് ഇനി അപകടഭീഷണി ഇല്ലെന്നും പൊലീസ് വ്യക്തമാക്കി. അതേസമയം, അന്വേഷണത്തിന്റെ ഭാഗമായി മാൾ ഒരു ദിവസം മുഴുവൻ അടച്ചിട്ടു.
One dead in shooting at Patrick Henry Mall in Virginia; suspect arrested
