ഭീകരതയ്‌ക്കെതിരെ കടുത്ത നടപടികളുമായി പൊലീസ്. ജമ്മു കശ്മീരിൽ റൈഡ് വ്യാപകമാക്കിയതിനൊപ്പം ഭീകരരെ കുറിച്ച് വിവരം നൽകുന്നവർക്ക് വൻ സമ്മാനങ്ങളും പ്രഖ്യാപിച്ചു. വിശ്വസനീയവും നിർദ്ദിഷ്ടവും പ്രവർത്തനക്ഷമവുമായ വിവരങ്ങൾ നൽകുന്നവർക്ക് 5 ലക്ഷം രൂപ പാരിതോഷികം നൽകും. അതേസമയം, വിവരം നൽകുന്നവരുടെ ഐഡന്റിറ്റി തികച്ചും രഹസ്യമായി സൂക്ഷിക്കുമെന്നും ജമ്മു കശ്മീർ പോലീസ് അറിയിച്ചു.
2021 മുതൽ ഭീകരവാദ പ്രവർത്തനങ്ങളുടെ കേന്ദ്രബിന്ദുവായ അതിർത്തി ജില്ലയായ പൂഞ്ചിൽ ആണ് ആദ്യ ഘട്ടത്തിൽ ഇത് നടപ്പാക്കുക. ഭീകരർക്ക് ഭക്ഷണം, പാർപ്പിടം, അവശ്യവസ്തുക്കൾ എന്നിവ വിതരണം ചെയ്യുന്ന വ്യക്തികൾ, ഗതാഗതം അല്ലെങ്കിൽ സുരക്ഷിതമായ വീടുകൾ നൽകുന്നവർ, തീവ്രവാദികളുമായി ആശയവിനിമയം നിലനിർത്തുന്നവർ, സുരക്ഷാ സേനയുടെ നീക്കങ്ങളെക്കുറിച്ച് രഹസ്യ വിവരങ്ങൾ കൈമാറുന്നവർ, അല്ലെങ്കിൽ ഭീകര പ്രവർത്തനങ്ങൾക്കുള്ള ധനസഹായം, റിക്രൂട്ട്മെന്റ്, നെറ്റ്‌വർക്കിംഗ് നടത്തുന്നവരെ കുറിച്ച് അറിയിക്കണമെന്നും പൊലീസ് പറഞ്ഞു.
Police take strict action against terrorism; Rs 5 lakh reward for information about terrorists, extensive raids in Jammu and Kashmir
