
തൊരുവനന്തപുരം : മുഖ്യമന്ത്രി പിണറായി വിജയന്റെ മകള് വീണ വിജയന്റെ എക്സാലോജിക് കമ്പനിക്കെതിരായ ഇപ്പോഴത്തെ അന്വേഷണം രാഷ്ട്രീയപ്രേരിതമെന്ന് മുതിര്ന്ന സി.പി.എം നേതാവ് പ്രകാശ് കാരാട്ടിന്റെ പ്രതികരണം. കേന്ദ്ര സര്ക്കാരുകള് പ്രതിപക്ഷത്തിനെതിരെ നടത്തുന്നത് രാഷ്ട്രീയ നീക്കമാണിതെന്നും നയം വ്യക്തമാണെന്നും പ്രകാശ് കാരാട്ട് പറഞ്ഞു.
” നരേന്ദ്ര മോദി സര്ക്കാര് ഏതു പ്രതിപക്ഷ സര്ക്കാരിനോ ഏത് മുഖ്യമന്ത്രിക്കോയെതിരെ നീക്കം നടത്തിയാലും ഞങ്ങള് എതിര്ക്കും. അത് പിണറായി വിജയനായാലും സിദ്ധരാമയ്യ, കെജ്രിവാള്, ഹേമന്ദ് സോറന് എന്നിവരായാലും ഞങ്ങള് എതിര്ക്കും. കാരണം ഇ ഡി എന്നാല് സര്ക്കാരിന്റെ രാഷ്ട്രീയ ആയുധമാണ്” – അദ്ദേഹം പറഞ്ഞു.
കേരളത്തില് എപ്പോള് ഇ ഡി അന്വേഷണം വന്നാലും കോണ്ഗ്രസ് അതിനെ അനുകൂലിക്കും. എല്ലാവരും ചേര്ന്ന് പ്രതിപക്ഷ നേതാക്കള്ക്കെതിരെ ഇത്തരം കേസുകളെടുക്കരുതെന്ന നിലപാടാണ് സ്വീകരിക്കേണ്ടതെന്നും അദ്ദേഹം ചൂണ്ടിക്കാട്ടി.