ഡെറാഡൂണ്‍: രാഷ്ട്രപതി ദ്രൗപതി മുര്‍മു ഉത്തരാഖണ്ഡിലെ ഡെറാഡൂണില്‍ നടന്ന പതിനൊന്നാമത് അന്താരാഷ്ട്ര യോഗ ദിനാചരണത്തില്‍ പങ്കെടുത്തു. അന്താരാഷ്ട്ര യോഗ ദിനത്തില്‍ രാജ്യവ്യാപകമായി നടക്കുന്ന യോഗാ ആഘോഷത്തിന്റെ ഭാഗമായി ഡെറാഡൂണിലെ പൊലീസ് ലൈനില്‍ സംഘടിപ്പിച്ച പരിപാടിയില്‍ ഗവര്‍ണര്‍ ഗുര്‍മീത് സിങ്ങിനൊപ്പമാണ് രാഷ്ട്രപതി പരിപാടിയുടെ ഭാഗമായത്. ‘യോഗ ഭൂമിക്കും ആരോഗ്യത്തിനും’ എന്ന പ്രമേയവുമായി ലോകമെമ്പാടും ജൂണ്‍ 21 ന് അന്താരാഷ്ട്ര യോഗ ദിനം ആഘോഷിക്കുന്നുണ്ട്.
പൊലീസ് ലൈനുകളില്‍ നിന്നുള്ള ദൃശ്യങ്ങളില്‍, ഗവര്‍ണര്‍ക്കും മറ്റ് ഉദ്യോഗസ്ഥര്‍ക്കുമൊപ്പം പ്രസിഡന്റ് മുര്‍മു യോഗാസനങ്ങള്‍ ചെയ്യുന്നതായി കാണാം. ഇന്ന് അവസാനിക്കുന്ന മൂന്ന് ദിവസത്തെ സംസ്ഥാന സന്ദര്‍ശനത്തിന്റെ ഭാഗമായി രാഷ്ട്രപതി ഇപ്പോള്‍ ഉത്തരാഖണ്ഡിലാണുള്ളത്.
ഇന്ന് രാവിലെ, വിശാഖപട്ടണത്ത് നിന്ന് രാജ്യവ്യാപകമായി നടന്ന യോഗ ദിനാചരണത്തിന് പ്രധാനമന്ത്രി നരേന്ദ്ര മോദി നേതൃത്വം നല്‍കി.
