ന്യൂയോർക്ക് നഗരത്തിലെ ബ്രൂക്ക്ലിൻ പാലത്തിൽ ഗതാഗതം തടഞ്ഞതിന് ഏകദേശം 60 പ്രതിഷേധക്കാരെ അറസ്റ്റ് ചെയ്തതായി അധികൃതർ. റാബീസ് ഫോർ സീസ്ഫയർ’ എന്ന സംഘടനയുടെ അംഗങ്ങളായ റാബികളും റബ്ബിനിക്കൽ വിദ്യാർത്ഥികളും ചേർന്നാണ് പ്രതിഷേധം സംഘടിപ്പിച്ചതെന്ന് പൊലീസ് പറഞ്ഞു. ഗാസയിലെ ഇസ്രായേൽ-ഹമാസ് യുദ്ധം തുടർച്ചയായി തുടരുന്ന പശ്ചാത്തലത്തിലാണ് പ്രതിഷേധം സംഘടിപ്പിച്ചിരിക്കുന്നത്.
ഹമാസ് നിയന്ത്രിക്കുന്ന ഗാസാ ആരോഗ്യ മന്ത്രാലയം റിപ്പോര്ട്ട് ചെയ്തതനുസരിച്ച്, ഗാസ യുദ്ധത്തിൽ ഇതുവരെ പതിനായിരക്കണക്കിന് ആളുകൾ ജീവഹാനി സംഭവിച്ചിട്ടുണ്ട്. യുദ്ധത്തിൽ പ്രതിഷേധിച്ച് ലോകമാകെ വിവിധ പ്രതിഷേധങ്ങളും സമരങ്ങളും നടക്കുന്നുണ്ട്. ബ്രൂക്ക്ലിൻ പാലം തടഞ്ഞതിനെത്തുടർന്ന് സംഭവസ്ഥലത്തേക്ക് എത്തിയ ന്യൂയോർക്ക്സ് പൊലീസ് ഡിപ്പാർട്മെന്റ് ഏകദേശം 60 ഓളം പ്രതിഷേധക്കാരെ അറസ്റ്റ് ചെയ്തു.
അറസ്റ്റ് ചെയ്ത എല്ലാവരേയും വിട്ടയച്ചോ, അതോ ക്രിമിനൽ കുറ്റങ്ങൾ ചുമത്താനുണ്ടോ എന്നതിനെക്കുറിച്ച് ഔദ്യോഗിക സ്ഥിരീകരണമില്ല.പ്രതിഷേധം ബ്രൂക്ക്ലിൻ ബറോ ഹാളിൽ ആരംഭിച്ചുവെന്നാണ് സംഘത്തിന്റെ സോഷ്യൽ മീഡിയ അറിയിക്കുന്നത്. ഇത് യിസ്കോർ സർവീസ് (മരിച്ചവരെ ഓർക്കുന്ന പ്രത്യേക ജൂത ചടങ്ങ്) കൊണ്ടാണ് ആരംഭിച്ചത്. ജൂത കലണ്ടറിൽ ഏറ്റവും വിശുദ്ധമായ ദിനമായ യോം കിപ്പൂർ ദിനമാണ് പ്രതിഷേധക്കാർ പ്രതിഷേധിക്കാനായി തെരഞ്ഞെടുത്തിരിക്കുന്നത്.
