പാലക്കാട്: ലൈംഗിക പീഡന പരാതിയിൽ പ്രതിയായ കോൺഗ്രസ് എംഎൽഎ രാഹുൽ മാങ്കൂട്ടത്തിൽ സംസ്ഥാനം വിട്ടതായി ശക്തമായ സൂചന. പാലക്കാട്ടെ തന്റെ ഫ്ലാറ്റിൽ സ്വന്തം വാഹനം ഉപേക്ഷിച്ചശേഷം ഒരു ചുവന്ന കാറിലാണ് രാഹുൽ കടന്നുകളഞ്ഞതെന്ന് പൊലീസിന് വിവരം ലഭിച്ചു. ഈ ചുവന്ന കാർ പരാതിക്കാരിയായ യുവനടിയുടേതാണോ എന്നതിൽ പൊലീസ് സംശയം പ്രകടിപ്പിക്കുന്നുണ്ട്.
കേസെടുത്ത് നാലാം ദിവസവും രാഹുലിന്റെ താമസസ്ഥലം കണ്ടെത്താൻ സാധിച്ചിട്ടില്ല. സിസിടിവി ദൃശ്യങ്ങൾ പരിശോധിച്ചപ്പോൾ ചുവന്ന കാറിൽ രാഹുൽ പാലക്കാട് വിടുന്നത് വ്യക്തമായി കാണാമെന്ന് പൊലീസ് വൃത്തങ്ങൾ അറിയിച്ചു. അതീവ ബുദ്ധിപരമായാണ് ഇദ്ദേഹം രക്ഷപ്പെട്ടതെന്നും അന്വേഷണസംഘം വിലയിരുത്തുന്നു.
തിരുവനന്തപുരത്തുനിന്നുള്ള പ്രത്യേക അന്വേഷണസംഘം രാഹുലിന്റെ കുന്നത്തൂർമേട് ഫ്ലാറ്റിൽ കഴിട്ടിയ ദിവസം അഞ്ച് മണിക്കൂറോളം തെളിവെടുപ്പ് നടത്തി. ഫ്ലാറ്റിലെ സിസിടിവി ദൃശ്യങ്ങൾ ശേഖരിച്ചെങ്കിലും ഒരു മാസത്തിൽ കൂടുതൽ പഴക്കമുള്ള ദൃശ്യങ്ങൾ ലഭിച്ചിട്ടില്ല. പഴയ ദൃശ്യങ്ങൾ വീണ്ടെടുക്കാനുള്ള ശ്രമം തുടരുകയാണ്.
