കൊച്ചി : വീണ്ടും നിയമക്കുരുക്കില്‍ റാപ്പര്‍ വേടന്. വിവാഹവാഗ്ദാനം നല്‍കി പീഡിപ്പിച്ചുവെന്ന യുവ ഡോക്ടറുടെ പരാതിയെത്തുടര്‍ന്ന് ബലാത്സംഗ കേസാണ് എടുത്തിരിക്കുന്നത്. യുവതിയുടെ പരാതിയില്‍ കൊച്ചി തൃക്കാക്കര പൊലീസാണ് കേസെടുത്തിരിക്കുന്നത്. ഐ പി സി 376 (2) (n) വകുപ്പനുസരിച്ച് ഒരേ സ്ത്രീയെ ഒന്നിലേറെ തവണ ബലാല്‍സംഗം ചെയ്‌തെന്നാണ് കേസിലുള്ളത്. യുവതിയുടെ പരാതിയില്‍ വേടനെതിരെ ഇന്നലെ രാത്രിയാണ് പൊലീസ് കേസെടുത്തത്.
2021 ആഗസ്റ്റ് മുതല്‍ 2023 മാര്‍ച്ചുവരെ വിവിധ സ്ഥലങ്ങളില്‍ വെച്ച് വേടന് പീഡിപ്പിച്ചുവെന്നും വിവാഹ വാഗ്ദാനം നല്‍കിയായിരുന്നു പീഡനമെന്നും യുവതിയുടെ മൊഴിലുണ്ട്. തുടര്‍ച്ചയായ പീഡനശേഷം വിവാഹ വാഗ്ദാനത്തില്‍ നിന്ന് വേടന് പിന്‍മാറിയെന്നും ഇത് തന്നെ ഡിപ്രഷനിലേക്ക് നയിച്ചുവെന്നും ആളുകള്‍ എങ്ങനെ പ്രതികരിക്കും എന്ന് ഭയപ്പെട്ടാണ് ഇതുവരെ പരാതി നല്‍കാതിരുന്നത് എന്നും യുവതി പൊലീസിനെ അറിയിച്ചിട്ടുണ്ട്.
എന്നാല്‍, അപകീര്‍ത്തിപ്പെടുത്തുകയെന്ന ലക്ഷ്യത്തോടെയാണ് പുതിയ പരാതിയെന്നും തന്നെ വേട്ടയാടുകയാണെന്നും ആസൂത്രിത നീക്കത്തിന് തെളിവുണ്ടെന്നും വേടന് വേടന് പ്രതികരിച്ചു. നിയമപരമായി മുന്നോട്ട് പോകുമെന്നും ഹൈക്കോടതിയില്‍ മുന്‍കൂര്‍ ജാമ്യാപേക്ഷ വൈകാതെ നല്‍കുമെന്നും വേടന് പറഞ്ഞു.
