കോട്ടയം : മത വിദ്വേഷപരാമര്‍ശ കേസില്‍ അറസ്റ്റിലായ പി സി ജോര്‍ജിന്റെ ജാമ്യാപേക്ഷയില്‍ നാളെ കോടതി വിധി പറയും. കേസില്‍ അറസ്റ്റിലായ ജോര്‍ജ് കോട്ടയം മെഡിക്കല്‍ കോളജില്‍ ചികിത്സയില്‍ തുടരുകയാണ്. ആരോഗ്യ പ്രശ്‌നങ്ങള്‍ ഉണ്ടെന്നും വിദഗ്ദ്ധ ചികിത്സ വേണമെന്നും പി.സി ജോര്‍ജ് ആവശ്യപ്പെട്ടു
കോട്ടയം മുന്‍സിഫ് മജിസ്‌ട്രേറ്റ് കോടതിയില്‍ കഴിഞ്ഞ രണ്ട് ദിവസം മുമ്പാണ് ജോര്‍ജ് ജാമ്യാപേക്ഷ നല്‍കിയത്. ഇതിലാണ് നാളെ വിധി വരിക.
അതേസമയം, അന്വേഷണം പൂര്‍ത്തികരിച്ചതായി പൊലിസ് റിപ്പോര്‍ട്ട് ഉണ്ട്. ജാമ്യ വ്യവസ്ഥകള്‍ ലംഘിച്ചതിന് കേസുകളും ഇല്ല. അതിനാല്‍ ജാമ്യം നല്‍കണമെന്ന് പി സി ജോര്‍ജ് വാദിച്ചു. മാത്രമല്ല, പൊതു പ്രവര്‍ത്തകനാകുമ്പോള്‍ കേസുകള്‍ ഉണ്ടാകുമെന്നും, സ്വഭാവിക ജാമ്യം അനുവദിക്കണമെന്നുമാണ് ആവശ്യം.
എന്നാല്‍, 3 മുതല്‍ 5 വര്‍ഷം വരെ ശിക്ഷ നല്‍കണമെന്നും തുടര്‍ച്ചയായി ജാമ്യ വ്യവസ്ഥകള്‍ ലംഘിച്ചുവെന്നും പ്രോസിക്യൂഷനും വാദിച്ചു. ജാമ്യം കൊടുത്താല്‍ തെറ്റായ സന്ദേശം നല്‍കുമെന്നും പ്രോസിക്യൂഷന്‍ കോടതിയില്‍ വാദിച്ചു.
