ന്യൂഡല്‍ഹി : ഏപ്രില്‍ 22-ന് ഇന്ത്യയെ കണ്ണീരിലാഴ്ത്തി 26 പേരുടെ ജീവന്‍ കവര്‍ന്ന പഹല്‍ഗാം ഭീകരാക്രമണത്തെ ശക്തമായി അപലപിച്ച് ഷാങ്ഹായ് സഹകരണ സംഘടന (എസ്സിഒ) ഉച്ചകോടി. പഹല്‍ഗാമില്‍ മരിച്ചവരുടെയും പരിക്കേറ്റവരുടെയും കുടുംബങ്ങളോട് അവര്‍ അഗാധമായ സഹതാപവും അനുശോചനവും പ്രകടിപ്പിച്ചു. ഇത്തരം ആക്രമണങ്ങളുടെ കുറ്റവാളികളെയും സ്പോണ്‍സര്‍മാരെയും നിയമത്തിന് മുന്നില്‍ കൊണ്ടുവരണമെന്നും ഉച്ചകോടി നേതാക്കള്‍ സംയുക്ത പ്രസ്താവന ഇറക്കി.
ഏറെ പ്രതീക്ഷയോടെ കാത്തിരുന്ന ഉച്ചകോടിയില്‍ പങ്കെടുക്കാന്‍ പ്രധാനമന്ത്രി മോദി ചൈനയിലേക്ക് പോകുന്നതിന് മുമ്പ്, ഭീകരാക്രമണത്തെ ഇന്ത്യ ശക്തമായി അപലപിക്കുമെന്ന് വിദേശകാര്യ മന്ത്രാലയം പറഞ്ഞിരുന്നു. 10 അംഗ എസ്സിഒ അംഗങ്ങള്‍ അതിര്‍ത്തി കടന്നുള്ള ഭീകരതയെ അപലപിക്കണമെന്ന് ഇന്ത്യ സമ്മര്‍ദ്ദം ചെലുത്തിയിരുന്നു.
