37 ദിവസമായി നീണ്ടുനിൽക്കുന്ന യു.എസ്. സർക്കാർ ഷട്ട്ഡൗൺ അവസാനിപ്പിക്കാനായി സെനറ്റ് ഇന്ന് ഉച്ചയ്ക്ക് 12:00 (അമേരിക്കൻ കിഴക്കൻ സമയം) സെനറ്റ് യോഗം ചേരുന്നു. എന്നാൽഷട്ട്ഡൗൺ അവസാനിപ്പിക്കുന്നതിനുള്ള വോട്ടെടുപ്പ് എപ്പോൾ നടക്കുമെന്നത് ഇതുവരെ വ്യക്തമല്ല.
എന്നാൽ, മേജോറിറ്റി വിപ് ജോൺ ബാരാസോയുടെ ഓഫീസിൽ നിന്നുള്ള ഒരു നോട്ടീസ് പ്രകാരം വെള്ളിയാഴ്ച സെനറ്റ് സമ്മേളനത്തിൽ വോട്ടെടുപ്പ് ഉണ്ടാകുമെന്നാണ് മാധ്യമ റിപ്പോർട്ടുകൾ. എയർ ട്രാഫിക് കൺട്രോളർമാരുള്‍പ്പെടെ ശമ്പളമില്ലാതെ ജോലി ചെയ്യേണ്ടി വരുന്ന ഫെഡറൽ ജീവനക്കാർക്ക് ശമ്പളം നൽകുന്നതിനെക്കുറിച്ച് സെനറ്റ് വോട്ടെടുപ്പ് നടത്തുമെന്നും സെനറ്റ് മേജോറിറ്റി ലീഡർ ജോൺ ത്യൂൺ ഫോക്സ് ന്യൂസിനോട് പറഞ്ഞു.
അതേസമയം, കുറഞ്ഞ വരുമാനക്കാരായ അമേരിക്കക്കാർക്കുള്ള ആരോഗ്യസഹായ പദ്ധതികൾ (healthcare subsidies) നീട്ടാൻ റിപ്പബ്ലിക്കൻ പാർട്ടി സമ്മതിക്കുന്നില്ലെങ്കിൽ, സർക്കാർ ധനസഹായം സംബന്ധിച്ച താൽക്കാലിക ബില്ലിന് ഡെമോക്രാറ്റുകൾ പിന്തുണ നൽകാൻ തയ്യാറല്ലെന്ന് വ്യക്തമാക്കിയിട്ടുണ്ട്.
Senate meets to end longest US shutdown
