കാന്‍പുര്‍ : മുന്‍ കേന്ദ്രമന്ത്രിയും മുതിര്‍ന്ന കോണ്‍ഗ്രസ് നേതാവുമായ ശ്രീപ്രകാശ് ജയ്സ്വാള്‍ അന്തരിച്ചു. അസുഖത്തെ തുടര്‍ന്ന് ദീര്‍ഘനാളായി ചികിത്സയിലായിരുന്ന ഇദ്ദേഹം 81-ാം വയസ്സിലാണ് വിടപറഞ്ഞത്. ഉത്തര്‍പ്രദേശിലെ കാണ്‍പൂരിലെ വസതിയില്‍ വച്ച് അദ്ദേഹത്തിന്റെ നില പെട്ടെന്ന് വഷളാവുകയായിരുന്നു. ഉടനെ അടുത്തുള്ള ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു.
1944 സെപ്റ്റംബര്‍ 25 ന് കാണ്‍പൂരില്‍ ജനിച്ച ശ്രീപ്രകാശ് ജയ്സ്വാള്‍ നാല് പതിറ്റാണ്ട് നീണ്ട രാഷ്ട്രീയ ജീവിതത്തിലുടനീളം തന്റെ ജന്മനാടിനോട് ആഴമായ അടുപ്പം പുലര്‍ത്തിയ വ്യക്തിയാണ്. ദേശീയ രാഷ്ട്രീയത്തിൽ പ്രവേശിക്കുന്നതിന് മുമ്പ് 1989 ൽ കാൺപൂർ മേയറായി പൊതുജീവിതം ആരംഭിച്ച അദ്ദേഹം. 1999, 2004, 2009 എന്നീ വർഷങ്ങളിൽ തുടർച്ചയായി മൂന്ന് തവണ കാൺപൂർ നിയോജകമണ്ഡലത്തിൽ നിന്ന് ലോക്‌സഭാ എംപിയായി തിരഞ്ഞെടുക്കപ്പെട്ടു. മന്‍മോഹന്‍ സിങ് മന്ത്രിസഭയില്‍ ശ്രീപ്രകാശ് ജയ്സ്വാള്‍ ആഭ്യന്തരസഹമന്ത്രി പദവിയും കല്‍ക്കരി മന്ത്രാലയത്തിന്റെ ചുമതലയും നിര്‍വഹിച്ചിരുന്നു.
Senior Congress leader and former Union Minister Shriprakash Jaiswal died.
