ലൈംഗിക പീഡനക്കേസിൽ പ്രതിയായ രാഹുൽ മാങ്കൂട്ടത്തിൽ എംഎൽഎയെ ഇനി ഒരു പരിപാടിയിലും കയറ്റരുതെന്ന് പറഞ്ഞിട്ടുണ്ടെന്നും രാഹുൽ മാങ്കൂട്ടത്തിൽ കോൺഗ്രസ് സ്ഥാനാർഥികൾക്ക് വേണ്ടി പ്രചാരണത്തിന് ഇറങ്ങേണ്ടെന്നും കോൺഗ്രസ് നേതാവ് കെ മുരളീധരൻ തിരുവനന്തപുരത്ത് പറഞ്ഞു.. ഉദിച്ച് ഉയരേണ്ട താരങ്ങൾ ഉദിച്ചു ഉയരുക തന്നെ ചെയ്യും, അല്ലാത്തവ അസ്തമിക്കും. കോൺഗ്രസിൽ നിലവിലുള്ള എംഎൽഎമാർ ആരും ഒളിവിൽ അല്ല. മാറ്റി നിർത്തിയവരാരെങ്കിലും ഒളിവിൽ പോയിട്ടുണ്ടെങ്കിൽ കണ്ടുപിടിക്കേണ്ടത് പൊലീസ് ആണെന്ന് കെ മുരളീധരൻ പറഞ്ഞു.
സസ്പെൻഷനിലുള്ള ആൾ പരിപാടികളിൽ പങ്കെടുത്താൽ പാർട്ടിക്ക് ഉത്തരവാദിത്തം ഇല്ലെന്നും അത് വ്യക്തിപരമാണ്. സസ്പെൻഷൻ പുറത്താക്കലിന് തുല്യമാണ്. കോൺഗ്രസ് ആ അധ്യായം അടച്ചു. തദ്ദേശ തെരഞ്ഞെടുപ്പിൽ കോൺഗ്രസിന് അനുകൂലമായ സാഹചര്യമാണ് നിലവിലുള്ളത്. തിരുവനന്തപുരം കോർപ്പറേഷനിൽ 55 വാർഡുകൾ പിടിച്ച് അധികാരത്തിൽ വരും.കവടിയാറും ശാസ്തമംഗലവും പേട്ടയുൾപ്പെടെ കോൺഗ്രസ് ജയിക്കുമെന്നും വിമതവർക്കെതിരെ എല്ലാം നടപടി സ്വീകരിച്ചിട്ടുണ്ടെനും പുകഞ്ഞ കൊള്ളി പുറത്താണെന്നും കെ മുരളീധരൻ കൂട്ടിച്ചേർത്തു.
Sexual harassment case; K Muraleedharan says Rahul has been told not to include Mangkootatil in any event and should not campaign
