അമേരിക്കൻ ഫെഡറൽ സർക്കാരിന്റെ ചരിത്രത്തിലെ ഏറ്റവും ദൈർഘ്യമേറിയ ഷട്ട്‌ഡൗൺ അവസാനിപ്പിക്കാൻ ലക്ഷ്യമിട്ട് തയ്യാറാക്കിയ ധനാനുമതി ബിൽ യു.എസ്. സെനറ്റ് പാസാക്കി. ബിൽ ഇപ്പോൾ ഹൗസ് ഓഫ് റിപ്പ്രസെന്റേറ്റീവ്സിലേക്ക് നീങ്ങുകയാണ്. 41-ാം ദിവസത്തിലേക്ക് കടന്ന ഷട്ട്‌ഡൗൺ അവസാനിപ്പിക്കുന്നതിന് പ്രസിഡൻ്റ് ഡോണൾഡ് ട്രംപും റിപ്പബ്ലിക്കൻ പാർട്ടിയും മുന്നോട്ടുവെച്ച കരാർ എട്ട് ഡെമോക്രാറ്റുകൾ പിന്തുണക്കുകയായിരുന്നു.
ബിൽ പാസായതോടെ സെനറ്റിലെ തടസ്സം നീങ്ങി, ഇപ്പോൾ അത് ഹൗസിൽ അംഗീകരിക്കപ്പെടേണ്ടതും പിന്നീട് ട്രംപിന്റെ ഒപ്പോടെ നിയമമാകേണ്ടതുമാണ്. കരാറിന്റെ പ്രധാന ഭാഗങ്ങളാണ് ചില വിഭാഗങ്ങൾക്ക് ഭക്ഷണസഹായം നൽകുക, മുൻസേനാ ക്ഷേമപദ്ധതികൾ നടപ്പിലാക്കുക, നിയമനിർമ്മാണ വിഭാഗം തുടങ്ങിയവയ്ക്ക് ഫണ്ട് നൽകുന്നതാണ് തുടങ്ങിയവ. ഫെഡറൽ ഫണ്ടിംഗ് ജനുവരി 30 വരെ നീട്ടും. ആരോഗ്യ മേഖലയിലെ സബ്സിഡികളുമായി ബന്ധപ്പെട്ട വോട്ടെടുപ്പ് ഡിസംബർ മാസത്തിൽ നടക്കും.
കൂടാതെ, ഷട്ട്‌ഡൗൺ സമയത്ത് ജോലി നഷ്ടപ്പെട്ട ഫെഡറൽ ഉദ്യോഗസ്ഥരെ വീണ്ടും നിയമിക്കുകയും ഫെഡറൽ പദ്ധതികൾ നിലനിർത്താൻ സ്വന്തം പണം വിനിയോഗിച്ച സംസ്ഥാനങ്ങൾക്ക് ധനസഹായം നൽകണമെന്നും കരാറിൽ പറയുന്നു.അതേസമയം, റിപ്പബ്ലിക്കൻ പാർട്ടിക്ക് സെനറ്റിൽ 53-47 എന്ന ഭൂരിപക്ഷമുണ്ടെങ്കിലും സർക്കാർ വീണ്ടും തുറക്കാൻ 60 വോട്ടുകൾ ആവശ്യമുണ്ടായിരുന്നു. അതിനാൽ എട്ട് ഡെമോക്രാറ്റുകൾ പിന്തുണച്ചത് നിർണായകമായി.
ഡെമോക്രാറ്റുകളുമായുള്ള ധാരണപ്രകാരം, റിപ്പബ്ലിക്കനുകൾ Affordable Care Act പ്രകാരമുള്ള ആരോഗ്യ സബ്സിഡികൾ നീട്ടുന്നതിനുള്ള വോട്ടെടുപ്പ് ഡിസംബറിൽ നടത്താനും സമ്മതിച്ചു.60-40 അനുപാതത്തിൽ സെനറ്റ് ബിൽ പാസാക്കിയതോടെ, ബിൽ ഹൗസ് ഓഫ് റിപ്പ്രസെന്റേറ്റീവ്സിലേക്ക് കടന്നു. റിപ്പബ്ലിക്കൻ നേതാക്കൾ ബുധനാഴ്ചയ്ക്കകം ബിൽ പാസാക്കാമെന്ന പ്രതീക്ഷയിലാണ്. ബില്ലിൽ പ്രസിഡന്റ് ട്രംപിന്റെ ഒപ്പുവെച്ച് നിയമമാകുമ്പോൾ, അമേരിക്കൻ ചരിത്രത്തിലെ ഏറ്റവും ദൈർഘ്യമേറിയ സർക്കാർ ഷട്ട്‌ഡൗൺ ഔദ്യോഗികമായി അവസാനിക്കും.
Shutdown in America; Funding bill passes in Senate, Republican leaders hope to pass bill by Wednesday
