ട്രംപ് ഭരണകൂടത്തിൻ്റെ ഷട്ട് ഡൗണിനെ തുടർന്ന് യു.എസിലെ 40 വിമാനത്താവളങ്ങളിൽ പ്രവർത്തന നിയന്ത്രണങ്ങളെത്തുടർന്ന് വിമാനങ്ങൾ വൈകലുകളും റദ്ദാക്കലുകളും നേരിടുന്ന സാഹചര്യത്തിൽ, എയർലൈൻസുകൾ യാത്രക്കാർക്ക് മാർഗനിർദേശങ്ങൾ നൽകിത്തുടങ്ങി.
യുണൈറ്റഡ് എയർലൈൻസ് ഇന്ന് മുതൽ ഈ വാരാന്ത്യം വരെ റദ്ദാക്കിയ വിമാനങ്ങളുടെ വിശദമായ പട്ടിക പ്രസിദ്ധീകരിച്ചിട്ടുണ്ട്. ഇവയിൽ ഭൂരിഭാഗവും ചെറുദൂര, റീജിയണൽ അല്ലെങ്കിൽ കമ്മ്യൂട്ടർ സർവീസുകളാണ്. അവരുടെ പ്രത്യേക വിമാനം പട്ടികയിൽ ഉൾപ്പെട്ടിട്ടില്ലെങ്കിലും യാത്രക്കാർക്ക് പണം തിരികെ ലഭിക്കാനോ മറ്റൊരു വിമാനത്തിലേക്ക് റീബുക്ക് ചെയ്യാനോ കഴിയും . എന്നാൽ, എയർലൈൻ വ്യക്തമാക്കുന്നതനുസരിച്ച്, അന്താരാഷ്ട്ര സർവീസുകളെയും പ്രധാന യു.എസ്. ഹബ്ബുകൾ ബന്ധിപ്പിക്കുന്ന വിമാനങ്ങളെയും ബാധിക്കില്ല.
നിശ്ചിത വിമാനത്താവളങ്ങളിലൂടെ യാത്ര ചെയ്യുന്നവർക്കും നിബന്ധനകൾ പാലിക്കുന്നവർക്കും, യാത്രാ തീയതി മാറ്റണമെങ്കിൽ സാധാരണയായി ഈടാക്കുന്ന ചേഞ്ച് ഫീസ് ഒഴിവാക്കുമെന്ന് അമേരിക്കൻ എയർലൈൻസ് വ്യക്തമാക്കി.
ഭൂരിഭാഗം സർവീസുകളെയും ബാധിക്കില്ലെന്നും എന്നാൽ അടുത്ത ബുധനാഴ്ച വരെ യാത്ര ചെയ്യാൻ ബുക്ക് ചെയ്തിരിക്കുന്ന യാത്രക്കാർക്ക് തങ്ങളുടെ യാത്രാ പദ്ധതികൾ മാറ്റുകയോ പൂർണമായ പണം തിരികെ വാങ്ങുകയോ ചെയ്യാനുള്ള അവസരം അധിക ഫീസ് ഇല്ലാതെ ലഭ്യമാകുമെന്ന് സൗത്ത് വെസ്റ്റ് എയർലൈൻസ് അറിയിച്ചു.
Shutdown; US airlines offer free travel date changes
