ഐബി ഉദ്യോഗസ്ഥയുടെ ആത്മഹത്യയുമായി ബന്ധപ്പെട്ട കേസില് പ്രതി സുകാന്ത് സുരേഷിന് ജാമ്യം അനുവദിച്ചു. കേസിന്റെ അന്വേഷണം പൂര്ത്തിയായ സാഹചര്യത്തില് പ്രതി ജുഡീഷ്യല് കസ്റ്റഡിയില് തുടരേണ്ടതില്ലെന്ന വിലയിരുത്തലിലാണ് ഹൈക്കോടതി സിംഗിള് ബെഞ്ച് ജാമ്യം അനുവദിച്ചത്. കേസില് അറസ്റ്റിലായി 44 ദിവസം ജയിലില് കഴിഞ്ഞ പ്രതി രാജ്യം വിടരുത് എന്നാണ് ജാമ്യത്തിലെ ഉപാധി.
ഐബി ഉദ്യോഗസ്ഥയുടെ മരണത്തിന് പിന്നാലെ ഒളിവിലായിരുന്നു പ്രതി ഹൈക്കോടതി മുന്കൂര് ജാമ്യാപേക്ഷ ഹര്ജി തള്ളിയതിന് പിന്നാലെയാണ് എറണാകുളം സെന്ട്രല് പൊലീസ് സ്റ്റേഷനിലെത്തിയാണ് കീഴടങ്ങിയത്. അന്വേഷണം പൂര്ത്തിയാകേണ്ടതുണ്ടെന്ന് ചൂണ്ടിക്കാട്ടി മുന്കൂര് ജാമ്യാപേക്ഷ തള്ളിയ കോടതി സ്നേഹത്തിന്റെ പേരില് യുവതിയെ ചൂഷണം ചെയ്തെന്നും പ്രതി മാനസികവും ശാരീരികവും സാമ്പത്തികവുമായി ചൂഷണം ചെയ്തുവെന്നും ഹൈക്കോടതി പറഞ്ഞു. ആത്മഹത്യയ്ക്ക് പ്രേരിപ്പിച്ചതിന് വാട്സ് ആപ് ചാറ്റുകള് തെളിവുണ്ടെന്ന് കോടതി പറഞ്ഞു. കേസില് ബലാത്സംഗ കുറ്റമാണ് സുകാന്ത് സുരേഷിനെതിരെ ചുമത്തിയിരിക്കുന്നത്.
