ഇനി ദീപാവലി ഡൽഹിക്കും അതിഗംഭീരമായി ആഘോഷിക്കാം. ഡൽഹിയിൽ സുപ്രീംകോടതി പടക്ക നിരോധനത്തിന് ഇളവ് വരുത്തി. ദീപാവലി ദിവസവും അതിനുമുൻപും ഹരിത പടക്കങ്ങൾ ഉപയോഗിക്കാൻ അനുമതി നൽകി. ഈ മാസം 18നും 21നും ഇടയിലാണ് പടക്കം പൊട്ടിക്കാൻ ആണ് അനുമതി. രാവിലെ ആറു മണിക്കും ഏഴുമണിക്കും ഇടയിലും രാത്രി എട്ട് മുതൽ പത്തുമണിവരെയും പടക്കം ഉപയോഗിക്കാനാണ് സുപ്രീംകോടതിയുടെ അനുമതി.
അതേസമയം, ഹരിത പടക്കങ്ങൾ ഉണ്ടാക്കുന്ന ഇടങ്ങളിൽ പെട്രോളിംഗ് പരിശോധനകൾ നടത്തണം. വ്യാജ പടക്കങ്ങൾ കണ്ടെത്തിയാൽ ലൈസൻസ് സസ്പെൻഡ് ചെയ്യണം. 18 നും 21 നും ഇടയിലെ AQI റിപ്പോർട്ട് മലിനീകരണ നിയന്ത്രണ ബോർഡ് സമർപ്പിക്കണമെന്നും സുപ്രീംകോടതി നിർദേശം നൽകി. സമർപ്പിക്കാനും നിർദേശങ്ങൾ പാലിക്കാത്ത സ്ഥാപനങ്ങൾക്ക് നേരെ പിഴ ഈടാക്കുമെന്നും സുപ്രീംകോടതി പറഞ്ഞു. വിഷയത്തിൽ സുപ്രീംകോടതി ഉത്തരവ് കൃത്യമായി നടപ്പിലാക്കുമെന്ന് ഡൽഹി പരിസ്ഥിതി മന്ത്രി മഞ്ജിന്ദർ സിംഗ് സിസ്ര പറഞ്ഞു.
