ന്യൂഡൽഹി: സാങ്കേതിക തകരാറിനെത്തുടർന്ന് 6E 6271 ഇൻഡിഗോ വിമാനം മുംബൈയിൽ ഇറക്കി. ദില്ലി-ഗോവ വിമാനമാണ് ആകാശത്ത് വെച്ച് സാങ്കേതിക തകരാർ കണ്ടെത്തിയതിന് പിന്നാലെ വിമാനം വഴി തിരിച്ചുവിട്ടത്. ഇന്നലെ രാത്രിയാണ് സംഭവം. തുടർന്ന് രാത്രി 9.42-ന് വിമാനം മുംബൈ വിമാനത്താവളത്തിൽ ലാൻഡ് ചെയ്തു. വിമാനത്തിലെ യാത്രക്കാരെ മുംബൈയിൽ നിന്ന് ഗോവയിലേക്ക് മറ്റൊരു വിമാനത്തിൽ കൊണ്ടുപോയി.
അതേസമയം അഹമ്മബാദ് വിമാനാപകടത്തിന് പിന്നാലെ വിമാനങ്ങളിലെ പരിശോധന എയർ ഇന്ത്യ പൂർത്തിയാക്കി. ബോയിങ് 787 വിമാനങ്ങളിലെ ഇന്ധന സ്വിച്ചുകൾ പരിശോധിച്ചു. ഇന്ധന സ്വിച്ചുകളിൽ ഒരു പ്രശ്നവും കണ്ടെത്തിയിട്ടില്ലെന്ന് എയർ ഇന്ത്യ വ്യക്തമാക്കി. ഡിജിസിയുടെ നിർദേശപ്രകാരമായിരുന്നു വിമാനങ്ങളിലെ ഇന്ധന സ്വിച്ചുകളുടെ പരിശോധന.
