കൊച്ചി: വിവാദമായ ശബരിമല സ്വര്‍ണക്കൊള്ളയില്‍ നിര്‍ണായക കണ്ടെത്തലുമായി പ്രത്യേക അന്വേഷണ സംഘം. ശബരിമലയില്‍നിന്ന് ഉണ്ണിക്കൃഷ്ണന്‍ പോറ്റി കടത്തിയ സ്വര്‍ണം കണ്ടെത്തിയതായാണ് അന്വേഷണ സംഘം അറിയിച്ചത്. ഉണ്ണിക്കൃഷ്ണന്‍ പോറ്റി, വ്യാപാരിയായ ഗോവര്‍ധന് കൈമാറിയ സ്വര്‍ണം കര്‍ണാടകയിലെ ബെള്ളാരിയില്‍നിന്നാണ് കണ്ടെത്തിയത്. ഗോവര്‍ധന്റെ ജ്വല്ലറിയില്‍നിന്നുതന്നെയാണ് പ്രത്യേക അന്വേഷണ സംഘത്തിന് സ്വര്‍ണം ലഭിച്ചതെന്നാണ് വിവരം. സ്വര്‍ണക്കട്ടികളാണ് കണ്ടെത്തുത്തിരിക്കുന്നത്.
ഉണ്ണികൃഷ്ണന്‍ പോറ്റി 476 ഗ്രാം സ്വര്‍ണം തനിക്കു നല്‍കിയെന്നാണ് ഗോവര്‍ധന്റെ മൊഴി. എന്നാല്‍, ഇതുമുഴുവനും കണ്ടെത്താനായോ എന്നതില്‍ വ്യക്തതയില്ല. സ്വര്‍ണം വീണ്ടെടുത്തതോടെ ഗോവര്‍ധനെ കേസില്‍ സാക്ഷിയാക്കാനാണ് എസ്‌ഐടിയുടെ നീക്കം. സ്വര്‍ണം വിറ്റെന്ന് ഉണ്ണിക്കൃഷ്ണന്‍ പോറ്റി എസ്പി ശശിധരനോടു സമ്മതിച്ചിരുന്നു. ഇതു വാങ്ങിയെന്നു ഗോവര്‍ധനും സമ്മതിച്ചതോടെയാണു തൊണ്ടിമുതല്‍ കണ്ടെടുക്കാന്‍ കഴിഞ്ഞത്.
The gold smuggled from Sabarimala by Unnikrishnan Potti was found in Bellary
