അമേരിക്കയിൽ നിന്ന് 400 വർഷത്തെ പാരമ്പര്യമുള്ള താങ്ക്‌സ്‌ഗിവിംഗ് ആഘോഷിക്കുന്നു. 2025-ലെ താങ്ക്‌സ്‌ഗിവിംഗ് ഈ വർഷം നവംബർ 27-ാം തീയതി വ്യാഴാഴ്ചയാണ്. 400 വർഷത്തിലധികം പഴക്കംവരുന്ന ഈ അമേരിക്കൻ ഉത്സവം നന്ദിയും കുടുംബസംഗമവും രുചികരമായ ഭക്ഷണവും ആഘോഷിക്കുന്നതിനായി ഇന്നും വലിയൊരു പാരമ്പര്യമായി തുടരുകയാണ്. ചരിത്രത്തിൽ പലപ്പോഴും തീയതി മാറിയിരുന്നെങ്കിലും ഈ വർഷം ഇത് നവംബർ മാസത്തിലെ നാലാം വ്യാഴാഴ്ചയായ ഇന്നാണ് ആഘോഷിക്കുന്നത്.
ടർക്കി ഭക്ഷണത്തിനും ഫുട്ബോൾ മത്സരത്തിനും കുടുംബസംഗമത്തിനുമൊക്കെയായി പ്രശസ്തമായ ഒരു ആഘോഷമാണ് താങ്ക്‌സ്‌ഗിവിംഗ്. ഏകദേശം 400 വർഷങ്ങൾക്ക് മുമ്പ് വിളവെടുപ്പ് ഉത്സവമായി തുടങ്ങിയ ഈ ദിനം പിന്നീട് നന്ദി പറയാനുള്ള ഒരു ദേശീയ ദിനമായി മാറി. കുടുംബാംഗങ്ങളും സുഹൃത്തുക്കളും ഒരുമിച്ചുകൂടി പ്രത്യേക ഭക്ഷണം പങ്കിടുന്ന ദിനമാണിത്. ഈ വർഷത്തെ താങ്ക്‌സ്‌ഗിവിംഗ് ദിനത്തിനോട് അതിനടുത്ത ദിവസം തന്നെയാണ് അമേരിക്കയിലെ വലിയ ഷോപ്പിംഗ് ദിനമായ ബ്ലാക് ഫ്രൈഡേയും വരുന്നത്.
1621-ൽ പ്ലൈമുത്തിലെ പിൽഗ്രിമ്സും വാംപാനോഗ് ജനങ്ങളും ചേര്‍ന്ന് നടത്തിയ വിളവെടുപ്പ് വിരുന്നാണ് താങ്ക്‌സ്‌ഗിവിംഗിന്റെ തുടക്കമെന്ന് പൊതുവേ കരുതുന്നത്. 1789-ൽ ജോർജ് വാഷിങ്ടൺ ദേശീയ താങ്ക്‌സ്‌ഗിവിംഗ് ദിനം പ്രഖ്യാപിച്ചു. 1863-ൽ എബ്രഹാം ലിങ്കൺ ഇത് ഔദ്യോഗിക ദേശീയ അവധിയായി പ്രഖ്യാപിച്ചു. 1939-ൽ പ്രസിഡന്റ് ഫ്രാങ്ക്ലിൻ ഡി. റൂസാറ്റ് ക്രിസ്മസ് ഷോപ്പിംഗ് സീസൺ നീട്ടുന്നതിനായി തീയതി മാറ്റിയെങ്കിലും സംസ്ഥാനങ്ങൾ തമ്മിൽ അഭിപ്രായവ്യത്യാസം ഉണ്ടായി. 1941-ൽ നിയമപരമായി നവംബർ മാസത്തിലെ നാലാം വ്യാഴാഴ്ച താങ്ക്‌സ്‌ഗിവിംഗ് ദിനമായി നിശ്ചയിക്കപ്പെട്ടു.
അതേസമയം, അമേരിക്കയിൽ താങ്ക്‌സ്‌ഗിവിംഗ് നവംബർ 22 മുതൽ 28 വരെ ഏതെങ്കിലും വ്യാഴാഴ്ച ആഘോഷിക്കുമ്പോൾമറ്റ് രാജ്യങ്ങളും തങ്ങളുടെ രീതിയിൽ നന്ദി ദിനം ആഘോഷിക്കുന്നു. കാനഡയിൽ ഒക്ടോബറിലെ രണ്ടാം തിങ്കളാഴ്ചയും ലൈബീരിയയിൽ നവംബറിലെ ആദ്യ വ്യാഴാഴ്ചയുമാണ്. താങ്ക്‌സ്‌ഗിവിംഗ് നന്ദിയും ഐക്യവും ഓർമ്മപ്പെടുത്തുന്ന ഒരു പ്രത്യേക ദിനമായി ഇന്നും തുടരുന്നു.
Today, America celebrates Thanksgiving, a 400-year-old tradition
