വാഷിംഗ്ടൺ: ഫെഡറൽ ഫണ്ടുകൾ തടഞ്ഞുവെക്കാനുള്ള ട്രംപിന്റെ തീരുമാനം വിദ്യാഭ്യാസം, ആരോഗ്യ പരിപാലനം, ദാരിദ്ര്യ നിർമാർജന പദ്ധതികൾ, ഭവന സഹായം, ദുരന്ത നിവാരണം, ആതിഥേയത്വം എന്നിവയെ തടസ്സപ്പെടുത്തുമെന്ന് റിപ്പോർട്ട്. കഴിഞ്ഞയാഴ്ച ട്രംപ് വിദേശ സഹായം നിർത്തിവച്ചതിനെ തുടർന്നാണ് പദ്ധതികൾ മരവിച്ചത്.
യുഎസ് വികസന സഹായത്തെ ആശ്രയിക്കുന്ന ലോകമെമ്പാടുമുള്ള രാജ്യങ്ങൾക്കുള്ള ജീവൻരക്ഷാ മരുന്നുകളുടെ വിതരണം ചൊവ്വാഴ്ച മുതൽ തടസ്സപ്പെട്ടു. ഫെഡറൽ ബജറ്റിൻ്റെ മേൽനോട്ടം വഹിക്കുന്ന ഓഫീസ് ഓഫ് മാനേജ്‌മെൻ്റ് ആൻഡ് ബഡ്ജറ്റ്, ഗ്രാൻ്റുകളും ലോണുകളും നിർത്തിവയ്ക്കുമെന്ന് അറിയിച്ചു. സർക്കാരിതര സംഘടനകൾക്കും നിരോധനം ബാധകമാകും.
അതേസമയം, താൽക്കാലികമായി ഫണ്ട് നിർത്തുന്നത് സോഷ്യൽ സെക്യൂരിറ്റിയെയോ മെഡികെയർ പേയ്‌മെൻ്റുകളെയോ വ്യക്തികൾക്ക് നേരിട്ട് നൽകുന്ന സഹായത്തെയോ ബാധിക്കില്ലെന്ന് വൈറ്റ് ഹൗസ് പറഞ്ഞു. ട്രംപിന്റെ തീരുമാനത്തിനെതിരെ ലാഭേച്ഛയില്ലാത്ത, പൊതുജനാരോഗ്യ പ്രൊഫഷണലുകൾ, ചെറുകിട ബിസിനസുകൾ എന്നിവയെ പ്രതിനിധീകരിക്കുന്ന നാല് ഗ്രൂപ്പുകൾ ചൊവ്വാഴ്ച കേസ് ഫയൽ ചെയ്തുിരുന്നു. കോടതിയിൽ ഉത്തരവിനെതിരെ പോരാടുമെന്ന് ഡെമോക്രാറ്റിക് സ്റ്റേറ്റ് അറ്റോർണി ജനറലും അറിയിച്ചു.
Trump funding freeze could disrupt education, housing, disaster aid
