അമേരിക്കന് പ്രസിഡന്റ് ഡൊണാള്ഡ് ട്രംപ് ചൈനയില് നിന്നുള്ള ഉത്പന്നങ്ങള്ക്ക് ഇറക്കുമതി തീരുവ വീണ്ടും വര്ദ്ധിപ്പിക്കുമെന്ന് പ്രഖ്യാപിച്ചതിനെ തുടര്ന്ന് ക്രിപ്റ്റോകറന്സി വിപണിയില് വന് തകര്ച്ച. ബിറ്റ്കോയിന്, എഥീരിയം ഉള്പ്പെടെയുള്ള മിക്ക പ്രധാന ക്രിപ്റ്റോ നാണയങ്ങളുടെയും വില കുത്തനെ ഇടിഞ്ഞു.
2025 നവംബര് 1 മുതല് ഈ പുതിയ 100% അധിക തീരുവയും സോഫ്റ്റ് വെയറുകളിലുള്ള കയറ്റുമതി നിയന്ത്രണവും നിലവില് വരുമെന്ന ട്രംപിൻ്റെ പ്രഖ്യാപനത്തെ തുടർന്ന് ബിറ്റ്കോയിനും മറ്റ് ക്രിപ്റ്റോ നാണയങ്ങളും, വ്യാപാരയുദ്ധവും ആഗോള അനിശ്ചിതത്വവും കാരണം നിക്ഷേപകര് കൂട്ടത്തോടെ വിറ്റഴിച്ചതോടെയാണ് വിലയിടിഞ്ഞത്.
ലോകത്തിലെ ഏറ്റവും വലിയ ക്രിപ്റ്റോ കറന്സിയായ ബിറ്റ്കോയിന്റെ വില 7.60% ഇടിഞ്ഞ് 1,12,592.31 ഡോളറിലെത്തി. എഥീരിയം 12.24% ഇടിഞ്ഞ് 3,845.92 ഡോളറിലേക്ക് കൂപ്പുകുത്തി.മറ്റു പ്രധാന ക്രിപ്റ്റോ ടോക്കണുകളുടെയും വിലയില് ഗണ്യമായ കുറവുണ്ടായി. എക്സ്ആര്പി 22.85% ഇടിഞ്ഞ് 2.33 ഡോളറായി.
ചൈന നിര്മ്മാണ – സാങ്കേതിക വ്യവസായങ്ങള്ക്ക് അത്യാവശ്യമായ അപൂര്വ്വ എര്ത്ത് മിനറല്സ് കയറ്റുമതിക്ക് നിയന്ത്രണം ഏര്പ്പെടുത്തിയതിന് പിന്നാലെയാണ് ചൈനയില് നിന്നുള്ള ഏതൊരു സോഫ്റ്റ് വെയര് ഇറക്കുമതിക്കും നിലവിലുള്ള തീരുവയ്ക്ക് പുറമെ 100 ശതമാനം അധിക തീരുവ ചുമത്തുമെന്ന് ട്രംപ് പ്രഖ്യാപിച്ചത്.
