ട്രംപ് ഭരണകൂടത്തിൻ്റെ അടച്ചുപൂട്ടലിനെ തുടർന്ന് എയർലൈൻസുകൾക്ക് സർവീസുകൾ കുറയ്ക്കാൻ നിർദേശം നൽകിയതോടെ വെള്ളിയാഴ്ച ഏകദേശം 2,000 വിമാനങ്ങൾ റദ്ദാക്കപ്പെടുകയോ വൈകുകയോ ചെയ്തു. എയർ ട്രാഫിക് കൺട്രോളർമാരുടെ മേലുള്ള സമ്മർദ്ദം ലഘൂകരിക്കുന്നതിൻ്റെ ഭാഗമായി വിമാന സർവീസുകളിൽ കൊണ്ടു വന്ന ഈ മാറ്റം രാജ്യത്തെ 40 പ്രധാന വിമാനത്താവളങ്ങളിലെ ആഭ്യന്തര സർവീസുകളെ ഇത് ബാധിക്കുമെന്ന് അധികൃതർ അറിയിച്ചു.
എയർ ട്രാഫിക് കൺട്രോളർമാരുടെ കുറവാണ് ഇപ്പോൾ വിമാനത്താവളങ്ങൾ നേരിടുന്ന വലിയ വെല്ലുവിളി. പലരും ശമ്പളമില്ലാതെ ജോലി ചെയ്യുന്നതിനാൽ രോഗാവസ്ഥ പറഞ്ഞ് അവധി എടുക്കുകയോ മറ്റു ജോലികൾ നോക്കുകയോ ചെയ്യുന്നതാണ് സ്ഥിതി. ഇന്നുവരെ 1,238 ആഭ്യന്തരവും അന്തർദേശീയവുമായ വിമാനങ്ങൾ വൈകിയതായും 824 വിമാനങ്ങൾ പൂർണ്ണമായും റദ്ദാക്കിയെന്നും റിപ്പോർട്ടുകളുണ്ട്.
ഷിക്കാഗോ ഒ’ഹെയർ വിമാനത്താവളത്തിൽ 40 വിമാനങ്ങൾ റദ്ദാക്കുകയും 57 വിമാനങ്ങൾ വൈകുകയും ചെയ്തു. ജോർജിയയിലെ അറ്റ്ലാന്റ ഹാർട്സ്ഫീൽഡ്-ജാക്സൺ വിമാനത്താവളത്തിൽ 38 വിമാനങ്ങൾ റദ്ദാക്കലുകളും 30 വിമാനങ്ങൾ വൈകിയെന്നും റിപ്പോർട്ട് ചെയ്തു.
സർക്കാർ അടച്ചുപൂട്ടൽ നീണ്ടാൽ അന്തർദേശീയ സർവീസുകളെ ബാധിക്കുമെന്ന റിപ്പോർട്ടുകൾ തള്ളിക്കളയാനാവില്ലെങ്കിലും നിലവിൽ അവയെ കുറയ്ക്കാനുള്ള തീരുമാനം ഇല്ലെന്ന് യു.എസ്. ഗതാഗത സെക്രട്ടറി ഷോൺ ഡഫി പറഞ്ഞു. അന്തർദേശീയ കരാറുകൾ പാലിക്കേണ്ടതിനാൽ അമേരിക്കൻ സർവീസുകൾക്ക് ദീർഘകാല പ്രത്യാഘാതം ഉണ്ടാകാതിരിക്കാൻ അന്തർദേശീയ സർവീസുകൾ നിലനിർത്തുമെന്നും അദ്ദേഹം വ്യക്തമാക്കി. എന്നാൽ എയർ ട്രാഫിക് കൺട്രോളർമാരുടെ കുറവ് തുടർന്നാൽ അന്തർദേശീയ വിമാനങ്ങളെയും ബാധിക്കുമെന്നാണ് റിപ്പോർട്ടുകൾ.
US government shutdown; More than 2,000 flights affected, flights canceled or delayed
