തിരുവനന്തപുരം: രണ്ടു ദിവസത്തെ കേരള സന്ദർശനത്തിനായി ഉപരാഷ്ട്രപതി സി.പി. രാധാകൃഷ്ണൻ ഇന്ന് വൈകിട്ട് തിരുവനന്തപുരത്തെത്തും. സന്ദർശനത്തിൻ്റെ ഭാഗമായി നഗരത്തിൽ ഗതാഗത നിയന്ത്രണങ്ങൾ ഏർപ്പെടുത്തിയിട്ടുണ്ട്.
വൈകിട്ട് 7 മണിയോടെ തിരുവനന്തപുരം വിമാനത്താവളത്തിൽ എത്തുന്ന അദ്ദേഹം
തുടർന്ന് രാത്രി 7.20-ന് പാളയം എൽ.എം.എസ് (LMS) കോമ്പൗണ്ടിൽ നടക്കുന്ന ‘ട്രിവാൻഡ്രം ഫെസ്റ്റ് 2025’-ൽ മുഖ്യാതിഥിയായി പങ്കെടുക്കും. ഇന്നത്തെ സന്ദർശനത്തിന് ശേഷം അദ്ദേഹം തിരുവനന്തപുരത്തെ ലോക്ഭവനിൽ വിശ്രമിക്കും.
നാളെ രാവിലെ 10 മണിക്ക് വർക്കല ശിവഗിരിയിൽ നടക്കുന്ന 93-ാമത് ശിവഗിരി തീർഥാടന സമ്മേളനം അദ്ദേഹം ഉദ്ഘാടനം ചെയ്യും. തുടർന്ന് ഉച്ചയ്ക്ക് 12.05-ന് തിരുവനന്തപുരം മാർ ഇവാനിയോസ് കോളേജിൻ്റെ പ്ലാറ്റിനം ജൂബിലി ആഘോഷങ്ങളുടെ സമാപന സമ്മേളനത്തിൽ പങ്കെടുക്കും. സന്ദർശനം പൂർത്തിയാക്കി അദ്ദേഹം ഉച്ചയ്ക്ക് 1.25-ഓടെ തിരുവനന്തപുരത്ത് നിന്ന് മടങ്ങും.
Vice President in Kerala today
