ചെന്നൈ: എഐഎഡിഎംകെ സഖ്യ ശ്രമങ്ങൾ തള്ളി തമിഴക വെട്രി കഴകത്തിന്‍റെ മുഖ്യമന്ത്രി സ്ഥാനാർത്ഥിയായി വിജയ്‌യെ തീരുമാനിച്ചു. മഹാബലിപുരത്ത് ചേര്‍ന്ന ടിവികെ ജനറല്‍ കൗണ്‍സിലില്‍ മുഖ്യമന്ത്രി സ്ഥാനാര്‍ത്ഥിയെ തീരുമാനിച്ച് പ്രമേയം പാസാക്കി. കരൂർ ദുരന്തത്തിന് പിന്നാലെ ഉയർന്ന ടിവികെക്ക് തനിച്ച് നിലനില്‍പ്പ് ഇല്ലെന്ന നിരീക്ഷണങ്ങളും സഖ്യശ്രമങ്ങളുമെല്ലാം തള്ളിയാണ് ടിവികെയുടെ ഈ നീക്കം.
ടിവികെയുടെ ഭാവികാര്യങ്ങൾ തീരുമാനിക്കുന്നതിന് ചേര്‍ന്ന ജനറല്‍ ബോഡി യോഗത്തിന്‍റെ നിര്‍ണായക തീരുമാനമായാണ് വിജയ് തന്നെയാണ് മുഖ്യമന്ത്രി സ്ഥാനാർത്ഥി എന്നും സഖ്യം ഉൾപ്പെടെയുള്ള തീരുമാനങ്ങൾ എടുക്കാൻ വിജയ്‌യെ ചുമതലപ്പെടുത്തിക്കൊണ്ടുമുള്ള തീരുമാനവും വന്നത്. കരൂർ ദുരന്തത്തിന് പിന്നാലെ രൂപികരിച്ച 28അംഗ പുതിയ നിർവ്വാഹക സമിതിയുടെ ആദ്യ പ്രധാന യോഗമാണിത്.
പാർട്ടി ഘടന ദുർബലമാണെന്നും സഖ്യം അനിവാര്യമാണെന്നും ഉള്ള വിലയിരുത്തലുകൾക്കിടെയാണ് യോഗം നടന്നത്. വിജയ് മുഖ്യമന്ത്രി സ്ഥാനാർത്ഥിയായി എത്തുന്നതോടെ 2026 ല്‍ തമിഴ്നാട്ടിലെ തെരഞ്ഞെടുപ്പ് പോരാട്ടം വളരെ ശക്തമായിരിക്കുമെന്നാണ് റിപ്പോർട്ടുകൾ.
Vijay is the chief ministerial candidate of Tamilaga Vetri Kazhagam.
