ന്യൂഡൽഹി: ഉത്തർപ്രദേശിലെ മാ ബെൽഹാദേവി ധാം പ്രതാപ്ഗഢ് റെയിൽവേ സ്റ്റേഷനിൽ നിന്നുള്ള ഒരു വീഡിയോ ഇപ്പോൾ സോഷ്യൽ മീഡിയയിൽ വലിയ പ്രതിഷേധത്തിന് തിരികൊളുത്തിയിരിക്കുകയാണ്. ഇന്ത്യൻ പോസ്റ്റൽ ജീവനക്കാർ പാഴ്സൽ ബാഗുകളും കത്തുകളും പ്ലാറ്റ്ഫോമിൽ നിന്ന് നേരിട്ട് റെയിൽവേ പാളത്തിലേക്ക് ഇറക്കിയിടുന്ന ദൃശ്യങ്ങളാണ് വീഡിയോയിൽ കാണുന്നത്.
നവംബർ 23-ന് വൈകുന്നേരം 4.25-ഓടെയാണ് സംഭവം. വീഡിയോ പകർത്തിയ വ്യക്തി പറഞ്ഞതനുസരിച്ച്, ആദ്യം കണ്ടതൊന്നും വിശ്വസിക്കാൻ കഴിയാത്ത അവസ്ഥയിലായിരുന്നു. കുറച്ച് നിമിഷങ്ങൾക്കുശേഷം എല്ലാ രംഗവും ഷൂട്ട് ചെയ്തു. “India Post പാഴ്സലുകൾ ഡെലിവർ ചെയ്യുകയാണ്… പക്ഷേ നിങ്ങൾ കരുതുന്ന രീതിയിൽ അല്ല. ഇവർ പാഴ്സലുകൾ പാളത്തിലേക്കാണ് എറിഞ്ഞുകൊണ്ടിരിക്കുന്നത്. ട്രെയിൻ വരികയായാൽ എല്ലാം തകർന്നുപോകും.” എന്ന് അദ്ദേഹം വീഡിയോയിൽ അദ്ദേഹം പറയുന്നുണ്ട്.
എത്ര മാന്യമായി ആണ് അവർ നിങ്ങളുടെ പാഴ്സലുകൾ എറിഞ്ഞ് കൊണ്ടിരിക്കുന്നത്. ഇതിൽ ഒരു പുതിയ iPhone ഉണ്ടായിരുന്നു എന്ന് കരുതൂ. ഇത് മാലിന്യം അല്ല. ആരുടുയൊക്കെയോ പ്രിയപ്പെട്ടവർ അയച്ച സാധനങ്ങളാണെന്നും പാളത്തിലെങ്ങും കിടക്കുന്ന പാഴ്സലുകളിലേക്കു വിരൽചൂണ്ടി അദ്ദേഹം പറയുന്നു.
മെയിൽ ബാഗുകൾ തെറ്റായി കൈകാര്യം ചെയ്ത പുറത്തു നിന്നുള്ള ജീവനക്കാരെ നീക്കം ചെയ്തിട്ടുണ്ട്. സൂപ്പർവൈസർമാരുടെ അലംഭാവത്തിനും നടപടി എടുത്തു. മെയിൽ ബാഗുകൾ ശരിയായി മാറ്റാനായി റെയിൽവെയോട് റാംപ് ഒരുക്കണമെന്ന് ആവശ്യപ്പെട്ടിട്ടുണ്ടെന്നും പ്രയാഗ്രാജ് പോസ്റ്റൽ റീജിയൻ പ്രസ്താവനയിൽ പറഞ്ഞു.
സംഭവത്തിൽ സോഷ്യൽ മീഡിയയിൽ പലരും ഞെട്ടലും ദുഖവും രേഖപ്പെടുത്തി.Good job bhai എന്ന് ഒരു ഉപയോക്താവ് കുറിച്ചു. മറ്റൊരാൾ വകുപ്പിനെ ടാഗ് ചെയ്ത് മോണിറ്ററിംഗും കർശന ശിക്ഷയും ഇല്ലാത്തതിന്റെ ഉദാഹരണമാണ് ഇത്. അതുകൊണ്ടാണ് പാഴ്സലുകൾ പൊട്ടിയും തകർന്നും എത്തുന്നത്. സർക്കാർ ജോലി എന്ന് പറഞ്ഞാൽ ശമ്പളം, ഇൻക്രിമെന്റ്… ഉത്തരവാദിത്വം ഇല്ല!” എന്നും കുറിച്ചു. വീഡിയോ ഇപ്പോഴും വ്യാപകമായി ചർച്ചയാകുകയാണ്.
A video from Ma Belhadevi Dham Pratapgarh Railway Station in Uttar Pradesh has triggered outrage online after it showed India Post workers casually hurling mail bags and parcels onto the railway tracks on Platform
