പാലക്കാട്: പാലക്കാട് അട്ടപ്പാടിയിൽ മലമ്പാമ്പിനെ കഴുത്തിലിട്ട് യുവാവിന്റെ അഭ്യാസത്തിൻ്റെ ദൃശ്യങ്ങൾ പുറത്ത്. യുവാവ് പാമ്പിനെ കഴുത്തിലിട്ട് നിൽക്കുന്നതിൻ്റെയും നാട്ടുകാർ അത് നോക്കിനിൽക്കുന്നതിൻറെയും ദൃശ്യങ്ങളാണ് പുറത്ത് വന്ന വീഡിയോയിൽ ഉള്ളത്. അട്ടപ്പാടി അഗളി പഞ്ചായത്തിലെ മേട്ടുവഴിയിലാണ് സംഭവം. ഒരാഴ്‌ച മുൻപായിരുന്നു സംഭവം.
വനം വകുപ്പ് ഉദ്യോഗസ്ഥർ എത്തിയപ്പോഴാണ് യുവാവ് മലമ്പാമ്പിനെ കൈമാറി. ഇയാൾക്കെതിരെ കേസെടുക്കണോ എന്ന കാര്യത്തിൽ തീരുമാനം മേലുദ്യോഗസ്ഥരുമായി ആലോചിച്ച ശേഷം മാത്രമാണ് എടുക്കുക. ജനവാസ മേഖലയിൽ മലമ്പാമ്പ് ഇറങ്ങിയിട്ടുണ്ട് എന്ന വിവരം ലഭിച്ചതിനെ തുടർന്നാണ് വനം വകുപ്പ് ഉദ്യോഗസ്ഥർ എത്തിയപ്പോഴാണ് പ്രദേശവാസിയായ യുവാവ് മലമ്പാമ്പിനെ കഴുത്തിലിട്ട് നിൽക്കുന്നത് കണ്ടത്.
