ന്യൂയോര്‍ക്ക്: റഷ്യ – യുക്രൈന്‍ യുദ്ധം അവസാനിപ്പിക്കാനായുള്ള സമാധാന ചര്‍ച്ചകളുടെ തുടര്‍ച്ചയായി ഡോണള്‍ഡ് ട്രംപുമായുള്ള വോളിഡിമിര്‍ സെലന്‍സ്‌കിയുടെ കൂടിക്കാഴ്ച ഇന്ന് നടക്കും. എന്നാല്‍ സെലന്സ്കി ഒറ്റയ്ക്കാകില്ല എത്തുക. അഞ്ച് രാജ്യനേതാക്കളായിരിക്കും സെലന്‍സ്‌കിക്കൊപ്പം ട്രംപിനെ കാണാനെത്തും. യു കെ പ്രധാനമന്ത്രി കെയ്ര്‍ സ്റ്റാമറും ഫ്രഞ്ച് പ്രസിഡന്റ് ഇമ്മാനുവല്‍ മക്രോണും ഉള്‍പ്പെടെ നേതാക്കളാകും വൈറ്റ് ഹൗസിലെത്തുക.
കഴിഞ്ഞ ദിവസം അലാസ്‌കയില്‍ റഷ്യന്‍ പ്രസിഡന്റ് വ്‌ളാഡിമിര്‍ പുടിനുമായി ട്രംപ് നടത്തിയ ചര്‍ച്ചയുടെ തുടര്‍ച്ചയായാണ് ഇന്നത്തെ ചര്‍ച്ച നടക്കുക. യൂറോപ്യന്‍ നേതാക്കളുടെ പട തന്നെ അമേരിക്കയിലെത്തുന്നതിനു പിന്നാല്‍, സമാധാന കരാറില്‍ യുക്രെയ്‌ന് സുരക്ഷാ ഗ്യാരണ്ടി ഉറപ്പാക്കലാണെന്നും റിപ്പോര്‍ട്ടുണ്ട്. മാത്രമല്ല, സെലന്‍സ്‌കിയുടെ ആദ്യ വൈറ്റ് ഹൗസ് സന്ദര്‍ശനത്തിലെ പ്രശ്‌നങ്ങള്‍ ആവര്‍ത്തിക്കില്ലെന്ന് ഉറപ്പുവരുത്താന്‍ കൂടിയാണ് യൂറോപ്യന്‍ നേതാക്കളുടെ നീക്കം.
യുദ്ധം അവസാനിപ്പിക്കാനായി പുടിന്‍ മുന്നോട്ടുവച്ച ആവശ്യങ്ങളിലെ ചര്‍ച്ചയ്ക്കാണ് ട്രംപ്, സെലന്‍സ്‌കിയെ ക്ഷണിച്ചിരിക്കുന്നത്.
