ഷിക്കാഗോയിലെ ഹംബോൾട്ട് പാർക്ക് പ്രദേശത്ത് തിങ്കളാഴ്ച വൈകുന്നേരം പോലീസ് പിന്തുടർന്നിരുന്ന ഒരു വാഹനത്തിന്റെ ഡ്രൈവർക്ക് നേരെ വെടിവെച്ച സംഭവത്തിൽ ഒരാൾ മരിച്ചു. ഈ സംഭവത്തെ തുടർന്ന് Civilian Office of Police Accountability (COPA) അന്വേഷണം ആരംഭിച്ചു. വൈകുന്നേരം 5:30ന് ശേഷം, നോർത്ത് ഹോമൻ അവന്യൂവിലെ 800 ബ്ലോക്കിൽ, മുമ്പ് അന്നേ ദിവസം അടുത്തുള്ള ഐസൻഹവർ എക്സ്പ്രസ്വേയിൽ നടന്ന വെടിവെപ്പ് കേസുമായി ബന്ധപ്പെട്ട് തിരച്ചിലിലുണ്ടായിരുന്ന ഒരു വാഹനത്തെ തടയാൻ പോലീസ് ശ്രമിച്ചുവെന്നാണ് തിങ്കളാഴ്ച രാത്രി നൽകിയ അപ്ഡേറ്റിൽ പോലീസ് പറയുന്നത്.
വെള്ള നിറത്തിലുള്ള മെഴ്സിഡീസ് കാർ പോലീസ് തടയാൻ ശ്രമിച്ചപ്പോൾ അത് രക്ഷപ്പെടാൻ ശ്രമിച്ചതായും തുടർന്ന് പോലീസ് പിന്തുടർന്നതായും അധികൃതർ പറഞ്ഞു. രക്ഷപ്പെടുന്നതിനിടെ കാർ റോഡിലുണ്ടായിരുന്ന ഒരു സ്ത്രീയെ ഇടിച്ചു. തുടർന്ന് ട്രാഫിക്കിൽ സഞ്ചരിച്ചുകൊണ്ടിരുന്ന ഒരു CTA ബസിൽ ഇടിച്ചാണ് കാർ നിർത്തിയതെന്ന് പൊലീസ് പറഞ്ഞു. സംഭവ സ്ഥലത്ത് നിന്നുള്ള വീഡിയോയിൽ, പോലീസ് ഉദ്യോഗസ്ഥർ കാർ ഡ്രൈവറെ പുറത്തെടുക്കാൻ ശ്രമിക്കുന്നതായി കാണാം. ഡ്രൈവർ പുറത്തിറങ്ങാൻ തയ്യാറാകാത്തതിനെ തുടർന്ന് ഒരുപോലീസ് ഉദ്യോഗസ്ഥൻ ടിന്റ് ചെയ്ത ഗ്ലാസ് പൊട്ടിക്കാൻ ശ്രമിക്കുന്നതും കാണപ്പെട്ടു. ഈ സമയത്ത് ഡ്രൈവർ ഉദ്യോഗസ്ഥരെയും ബസിനെയും ഒഴിവാക്കി രക്ഷപ്പെടാൻ ശ്രമിച്ചതോടെ ഒരു പോലീസ് ഉദ്യോഗസ്ഥൻ വെടിയുതിർക്കുകയായിരുന്നു.
സംശയാസ്പദനായ വ്യക്തിക്ക് വെടിയേറ്റതിനു പിന്നാലെ പോലീസ് ഉടൻ ചികിത്സ നൽകാൻ ശ്രമിച്ചുവെന്നും കാറിൽ നിന്ന് ഒരു തോക്ക് കണ്ടെത്തിയതായും പോലീസ് അറിയിച്ചു. എന്നാൽ ആ തോക്ക് ഡ്രൈവർ ഉപയോഗിച്ചോയെന്ന് ഇതുവരെ വ്യക്തമാക്കിയിട്ടില്ല. പരുക്കുകളോടെ അയാളെ ആശുപത്രിയിലേക്ക് കൊണ്ടുപോയെങ്കിലും പിന്നീട് മരണം സ്ഥിരീകരിച്ചു. സംഭവത്തിൽ രണ്ട് പോലീസ് ഉദ്യോഗസ്ഥർക്ക് ചെറിയ പരുക്കുകൾ സംഭവിക്കുകയും സമീപത്തെ ആശുപത്രിയിൽ പ്രവേശിപ്പിക്കപ്പെടുകയും ചെയ്തു. കാർ ഇടിച്ച സ്ത്രീക്കും പരിക്കേറ്റു. അവരെ മൗണ്ട് സിനായ് ആശുപത്രിയിൽ പ്രവേശിപ്പിച്ചിരിക്കുകയാണ്.
A man has died after being shot by an officer while trying to escape after cutting off police in Humboldt Park, Chicago.
