വാഹനാപകടത്തില് മസ്തിഷ്ക മരണം സംഭവിച്ച പത്ത് മാസം പ്രായമുള്ള ആലിന്റെ അവയവങ്ങളുമായി ആംബുലന്സ് എറണാകുളം അമൃത ആശുപത്രിയില് നിന്ന് തിരുവനന്തപുരം കിംസ് ആശുപത്രിയിലേക്ക് പുറപ്പെട്ടു. റോഡ് മാര്ഗമാണ് യാത്ര. ആംബുലന്സിനായി വഴികൊടുത്ത് പൊതുജനങ്ങള് പരമാവധി സഹകരിക്കണമെന്ന് അധികൃതർ വ്യക്തമാക്കി.
പത്ത് മാസം പ്രായമുള്ള ആലിന്റെ അഞ്ച് പേര്ക്കാണ് പുതുജീവന് നൽകുന്നത്. രണ്ട് വൃക്കകള് തിരുവനന്തപുരം എസ്.എ.ടി. ആശുപത്രിയിലെ പീഡിയാട്രിക് നെഫ്രോളജി വാര്ഡില് ചികിത്സയിലുള്ള പത്തുവയസുള്ള കുട്ടിക്ക് നല്കും. ഹൃദയ വാള്വ് തിരുവനന്തപുരം ശ്രീചിത്രയില് ചികിത്സയിലുള്ള കുട്ടിക്ക് നല്കും. കരള് തിരുവനന്തപുരം കിംസില് ചികിത്സയിലുള്ള ആറ് മാസം പ്രായമുള്ള കുഞ്ഞിനാണ് പുതുജീവന് പകരുക.
കരള് സ്വീകരിക്കുന്ന സംസ്ഥാനത്തെ ഏറ്റവും പ്രായംകുറഞ്ഞ കുഞ്ഞായി ഈ കുട്ടി മാറും. നേത്രപടലങ്ങള് കൊച്ചി അമൃതയിലേക്ക് കൊണ്ടുപോകും. ഫെബ്രുവരി അഞ്ചാം തിയതി തിരുവല്ലയില് നിന്ന് കോട്ടയത്തേക്ക് പോകുംവഴിയാണ് ആലിന് സഞ്ചരിച്ചിരുന്ന കാര് അപകടത്തില്പ്പെട്ടത്. ഒരാഴ്ച ചികിത്സയിലായിരുന്നെങ്കിലും ഇന്ന് കുഞ്ഞിന്റെ മസ്തിഷ്ക മരണം സ്ഥിരീകരിക്കുകയായിരുന്നു.
Ambulance carrying Alin’s organs to Thiruvananthapuram ;Five people gain new life
