കേരളം ഇനി തിരഞ്ഞെടുപ്പ് ചൂടിലേക്ക്. സംസ്ഥാനത്തെ നിയമസഭാ തിരഞ്ഞെടുപ്പ് തീയതി ഇന്ന് പ്രഖ്യാപിക്കും. തിരഞ്ഞെടുപ്പ് കമ്മിഷന്റെ വാർത്താ സമ്മേളനം ഇന്ന് വൈകിട്ട് നാല് മണിക്ക്. 140 മണ്ഡലങ്ങളിലേക്കും തിരഞ്ഞെടുപ്പ് ഒറ്റഘട്ടമായായിരിക്കും വോട്ടെടുപ്പ് നടക്കുക. വോട്ടെണ്ണൽ മേയ് ആദ്യവാരമെന്ന് സൂചന. തമിഴ്നാട്, പശ്ചിമ ബംഗാൾ, അസം, പുതുച്ചേരി എന്നിവിടങ്ങളിലെ വോട്ടെടുപ്പ് തീയതിയും ഇന്ന് പ്രഖ്യാപിക്കും.
സംസ്ഥാനങ്ങളിലെ തിരഞ്ഞെടുപ്പ് ക്രമീകരണങ്ങൾ തിരഞ്ഞെടുപ്പ് കമ്മിഷൻ വിലയിരുത്തിയിരുന്നു. പശ്ചിമ ബംഗാളിലെ വോട്ടെടുപ്പ് അഞ്ച് ഘട്ടമായി ചുരുക്കും. കഴിഞ്ഞ തവണ എട്ട് ഘട്ടമായാണ് തിരഞ്ഞെടുപ്പ് നടത്തിയിരുന്നത്. അസമിൽ മൂന്ന് ഘട്ടമായാകും തിരഞ്ഞെടുപ്പ് നടത്തുക. ബാക്കി സംസ്ഥാനങ്ങളിൽ ഒറ്റ ഘട്ടമായാണ് തിരഞ്ഞെടുപ്പ് നടത്തുക.
Assembly Election date to be announced in Kerala will declared today
