ബെംഗളൂരു: കർണാടക മുഖ്യമന്ത്രി ഡി.കെ. ശിവകുമാർ താൻ കടിച്ച ആപ്പിൾ അണികൾക്ക് നേരെ എറിഞ്ഞുകൊടുത്ത സംഭവത്തിൽ വിവാദം കനക്കുന്നു. ഈ പ്രവർത്തി കോൺഗ്രസിന്റെ യഥാർത്ഥ മാനസികാവസ്ഥയാണ് വ്യക്തമാക്കുന്നതെന്ന രൂക്ഷവിമർശനവുമായി ബി.ജെ.പി. രംഗത്തെത്തി. മുഖ്യമന്ത്രിയുടെ ഭാഗത്തുനിന്നുണ്ടായ ഈ നടപടി ജനങ്ങളെ ആകെ അവഹേളിക്കുന്നതിന് തുല്യമാണെന്നും, ഇത്തരം ധാർഷ്ട്യങ്ങളോട് ജനങ്ങൾ വരുംദിവസങ്ങളിൽ ശക്തമായി പ്രതികരിക്കുമെന്നും ബി.ജെ.പി. മുന്നറിയിപ്പ് നൽകി.
ബി.ജെ.പി.യുടെ ഔദ്യോഗിക എക്സ് (X) ഹാൻഡിലിലൂടെ ഈ സംഭവത്തിന്റെ ദൃശ്യങ്ങൾ സഹിതം പങ്കുവെച്ചുകൊണ്ടാണ് കോൺഗ്രസ് നേതൃത്വത്തിനെതിരെ അവർ കടുത്ത രാഷ്ട്രീയ ആക്രമണം അഴിച്ചുവിട്ടിരിക്കുന്നത്. വീഡിയോ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചതിന് പിന്നാലെ മുഖ്യമന്ത്രി ഡി.കെ. ശിവകുമാറിനെതിരെ ജനങ്ങൾക്കിടയിലും വലിയ രീതിയിലുള്ള വിമർശനങ്ങളാണ് ഉയർന്നുകൊണ്ടിരിക്കുന്നത്.
