കുട്ടികളെ വളർത്തുന്നതിനുള്ള ചെലവ് കുറയ്ക്കാൻ യുഎസ് ഫെഡറൽ സർക്കാർ നൽകുന്ന പ്രധാന നികുതി ആനുകൂല്യമാണ് ചൈൽഡ് ടാക്സ് ക്രെഡിറ്റ് (CTC). 2026ലെ ടാക്സ് ഫയലിങ് സീസണിൽ, 17 വയസിന് താഴെയുള്ള ഓരോ അർഹതയുള്ള കുട്ടിക്കും പരമാവധി 2,200 ഡോളർ വരെ ക്രെഡിറ്റ് ലഭിക്കും.
ഇതിൽ 1,700 ഡോളർ വരെ ‘അഡീഷണൽ ചൈൽഡ് ടാക്സ് ക്രെഡിറ്റ്’ വഴി റീഫണ്ടായി ലഭിക്കാവുന്നതാണ്. അതായത്, അടയ്ക്കാനുള്ള നികുതി തുക ഇതിലും കുറവാണെങ്കിലും കുടുംബങ്ങൾക്ക് ഈ പണം ലഭിക്കും. അർഹരായ മാതാപിതാക്കൾക്കും രക്ഷിതാക്കൾക്കും സാമ്പത്തിക സഹായം നൽകുകയാണ് ഈ പദ്ധതിയുടെ ലക്ഷ്യം. ഇതിലൂടെ ഫെഡറൽ ഇൻകം ടാക്സ് ബാധ്യത കുറയും.
മിക്കവരും ഫോം 1040-നൊപ്പം ഷെഡ്യൂൾ 8812 ഉപയോഗിച്ചാണ് ഈ ക്രെഡിറ്റ് ക്ലെയിം ചെയ്യുന്നത്. റീഫണ്ട് വേഗത്തിൽ ലഭിക്കാൻ ഇലക്ട്രോണിക് ഫയലിംഗും ഡയറക്ട് ഡെപ്പോസിറ്റും തിരഞ്ഞെടുക്കുന്നതാണ് നല്ലത്.
അർഹതാ നിബന്ധനകൾ
കുട്ടിക്ക് ടാക്സ് വർഷാവസാനം 17 വയസിന് താഴെയായിരിക്കണം
വർഷത്തിൽ പകുതിയിലധികം സമയം ടാക്സ് അടയ്ക്കുന്നയാളോടൊപ്പം താമസിച്ചിരിക്കണം
ഡിപെൻഡന്റായി ക്ലെയിം ചെയ്യപ്പെടണം
ടാക്സ് റിട്ടേൺ അവസാന തീയതിക്ക് മുമ്പ് നൽകിയ സാധുവായ സോഷ്യൽ സെക്യൂരിറ്റി നമ്പർ ഉണ്ടായിരിക്കണം
കുട്ടി നിങ്ങളുടെ മകൻ, മകൾ, സ്റ്റെപ്ചൈൽഡ്, ഫോസ്റ്റർ ചൈൽഡ്, സഹോദരൻ/സഹോദരി, അല്ലെങ്കിൽ കൊച്ചുമക്കൾ, അനന്തരവൻ/അനന്തരവൾ എന്നിവരിലൊരാളായിരിക്കണം. അവർ യുഎസ് പൗരൻ, യുഎസ് നാഷണൽ, അല്ലെങ്കിൽ യുഎസ് റെസിഡന്റ് ആയിരിക്കണം.
കുട്ടികൾ സ്വന്തം ചെലവുകളുടെ പകുതിയിലധികം സ്വയം വഹിച്ചിരിക്കരുത്.
വരുമാന പരിധി
വ്യക്തിഗതമായി അപേക്ഷിക്കുന്നവർക്ക്: വാർഷിക വരുമാനം 2 ലക്ഷം ഡോളർ വരെ
സംയുക്തമായി ഫയൽ ചെയ്യുന്ന ദമ്പതികൾക്ക്: 4 ലക്ഷം ഡോളർ വരെ
കൂടാതെ, ഫെഡറൽ നികുതി ബാധ്യത കുറവോ ഇല്ലാത്തതോ ആയ കുടുംബങ്ങൾക്ക്, വർഷത്തിൽ കുറഞ്ഞത് 2,500 ഡോളർ വരുമാനം ഉണ്ടെങ്കിൽ, ഓരോ കുട്ടിക്കും 1,700 ഡോളർ വരെ അഡീഷണൽ ചൈൽഡ് ടാക്സ് ക്രെഡിറ്റായി ലഭിക്കും. ചൈൽഡ് ടാക്സ് ക്രെഡിറ്റിന് അർഹതയില്ലാത്ത കുട്ടികൾക്കോ ഡിപെൻഡന്റുകൾക്കോ ‘അദർ ഡിപെൻഡന്റ് ക്രെഡിറ്റ്’ ലഭിക്കാം. ഇതിൽ ഓരോ ഡിപെൻഡന്റിനും പരമാവധി 500 ഡോളർ വരെ ലഭിക്കും. പൗരത്വം, താമസം, ഐഡന്റിഫിക്കേഷൻ തുടങ്ങിയ നിബന്ധനകൾ ഇതിലും ബാധകമാണ്.
Child Tax Credit in the US in 2026: Know Eligibility and Amounts
