കലിഫോർണിയ: ദൈന്യദിന ജീവിതത്തിന്റെ മാനസിക പിരിമുറുക്കത്തിൽ നിന്നും അല്പം മാറിനിന്ന് കുറച്ച് ശുദ്ധസംഗീതത്തിന്റെ സ്വരമാധുരിക്കൊപ്പം കാതോർത്തിരിക്കാൻ, അന്താരാഷ്ട്ര വനിതാ ദിനത്തിൽ ഫോമാ വെസ്റ്റേൺ റീജിയന്റെ വുമൺസ് ഫോറത്തിന്റെ നേതൃത്വത്തിൽ നിങ്ങൾക്കായി ‘സ്വരസന്ധ്യ – സംഗീത സായാഹ്നം’ ഒരുക്കുന്നു. മാർച്ച് മാസം എട്ടാം തീയതി ഞായറാഴ്ച വൈകിട്ട് എട്ട് മണി – EST (അഞ്ച് മണി – PST) മുതൽ ആരംഭിക്കുന്ന സ്വരസന്ധ്യ സംഗീത സായാഹ്നത്തിൽ പങ്കെടുക്കുന്നതിനായി ഏവരെയും ക്ഷണിക്കുന്നതായി ആർ.വി.പി ജോൺസൺ ജോസഫ് അറിയിച്ചു. അലയലയായി ഒഴുകിയെത്തുന്ന ശ്രുതി ശുദ്ധമായ ഗാനങ്ങൾ ആലപിക്കുന്നത് പ്രശസ്ത ഗായികയും ഐഡിയ സ്റ്റാർ സിംഗർ സീസൺ-6 വിജയിയുമായ മെറിൻ ഗ്രിഗറിയും, മറ്റു അമേരിക്കൻ മലയാളി ഗായികമാരുമാണ്.
വനിതാ ദിനത്തിൽ റീജിയണിലെ വനിതകൾ അണിനിരക്കുന്ന റീജിയന്റെ പരിപാടി എന്ന പ്രത്യേകതയും ഇതിനുണ്ട്. ആരതി സ്കൂൾ ഓഫ് ഡാൻസ് ഡയറക്ടർ ആശ ഗോപാൽ ചടങ്ങിൽ ചീഫ് ഗസ്റ്റാകും. ഒന്നര മണിക്കൂറോളം നീണ്ടുനിൽക്കുന്ന സംഗീത സായാഹ്നത്തിന്റെ ചുക്കാൻ പിടിക്കുന്നത് റീജിയണൽ വുമൺസ് ഫോറം ചെയർ ബീന പോൾ, ഫോമാ നാഷണൽ വുമൺസ് ഫോറം കമ്മറ്റി മെമ്പർ ഡോ: മഞ്ജു പിള്ള, റീജിയണൽ വുമൺസ് ഫോറം അഡൈ്വസറി ചെയർ ജാസ്മിൻ പരോൾ എന്നിവരാണ്.
ആർ.വി.പി ജോൺസൻ ജോസഫ് നയിക്കുന്ന വെസ്റ്റേൺ റീജിയൻ കമ്മറ്റിയുടെ നേതൃത്വത്തിൽ, സാജൻ മൂലേപ്ലാക്കൽ, സുജ ഔസോ, ജോർജ്കുട്ടി പുല്ലാപ്പള്ളി, ഓജാസ് ജോൺ, ആഗ്നസ് ബിജു, ശരത് നായർ, ചെയർമാൻ റിനി പൗലോസ്, സെക്രട്ടറി സജിത്ത് തൈവളപ്പിൽ, ട്രഷറർ മാത്യു ചാക്കോ, വൈസ് ചെയർമാൻ ജോസഫ് ഔസോ, ജോയിന്റ് സെക്രട്ടറി സെൽബി കുര്യാക്കോസ്, പി.ആർ.ഒ പന്തളം ബിജു എന്നിവർ ചേർന്ന് വിപുലമായ അലോചന യോഗങ്ങൾ ഇതിനോടകം നടന്നുകഴിഞ്ഞു.
പരിപാടിക്ക് ഫോമാ നാഷണൽ പ്രസിഡന്റ്റ് ബേബി മണക്കുന്നേൽ, സെക്രട്ടറി ബൈജു വർഗീസ്, ട്രഷറർ സിജിൽ പാലക്കലോടി, വൈസ് പ്രസിഡൻ്റ് ഷാലു പുന്നൂസ്, ജോയിന്റ് സെക്രട്ടറി പോൾ ജോസ്, ജോയിന്റ് ട്രഷറർ അനുപമ കൃഷ്ണൻ, നാഷണൽ വിമൻസ് ഫോറം ചെയർപേഴ്സൺ സ്മിത നോബിൾ, സെക്രട്ടറി ആശ മാത്യു, ട്രഷറർ ജൂലി ബിനോയ്, സ്വപ്ന സജി, ഗ്രേസി ജെയിംസ്, വിഷിൻ ജോ എന്നിവർ ഹൃദ്യമായ ആശംസകൾ നേർന്നു.
Fomaa Western Region live music ‘Swarasandhya’ on March 8th
