വാഷിംഗ്ടൺ: ജയിലിൽ മരിച്ച ലൈംഗിക കുറ്റവാളി ജെഫ്രി എപ്സ്റ്റീൻ്റെ രേഖകൾ പരസ്യപ്പെടുത്തിയതോടെ പുറത്തുവന്ന ചില ഇമെയിലുകൾ പ്രകാരം, അദ്ദേഹത്തിന് ഒരു രഹസ്യ മകൻ ഉണ്ടായിരുന്നുവെന്ന് റിപ്പോർട്ട്. ബ്രിട്ടനിലെ രാജകുമാരനായിരുന്ന ആൻഡ്രൂവിൻ്റെ മുൻഭാര്യ സാറ ഫെർഗൂസൺ അയച്ച, ഒരു ഇമെയിലിലാണ് ഇക്കാര്യമുള്ളത്.
2011 സെപ്റ്റംബർ 21-ന് അയച്ച ഒരു ഇമെയിലിൽ, “നിങ്ങൾക്കൊരു ആൺകുഞ്ഞുണ്ടായതായി ‘ദി ഡ്യൂക്കിൽ’ (The Duke – മുൻ ഭർത്താവ് പ്രിൻസ് ആൻഡ്രൂവിനെ ഉദ്ദേശിച്ച്) നിന്ന് ഞാൻ അറിഞ്ഞു” എന്ന് സാറാ ഫെർഗൂസൺ കുറിച്ചിരുന്നു. ഈ അവകാശവാദം ശരിയാണെങ്കിൽ, ആ കുട്ടിക്ക് ഇപ്പോൾ ഏകദേശം 14 അല്ലെങ്കിൽ 15 വയസ്സ് പ്രായമുണ്ടാകും.
എപ്സ്റ്റീന് കുട്ടികളുള്ളതായി ഔദ്യോഗികമായി എവിടെയും രേഖപ്പെടുത്തിയിട്ടില്ല. എങ്കിലും, അദ്ദേഹത്തിൻ്റെ മരണശേഷം സ്വത്തിൽ അവകാശവാദം ഉന്നയിച്ച് നൂറിലധികം പേർ രംഗത്തെത്തിയിട്ടുണ്ട്. അമേരിക്കൻ നീതിന്യായ വകുപ്പ് പുറത്തുവിട്ട മൂന്ന് ദശലക്ഷത്തിലധികം വരുന്ന എപ്സ്റ്റീൻ ഫയലുകളുടെ (Epstein Files) ഭാഗമായാണ് ഈ ഈമെയിലും വിവരങ്ങളും പുറത്തുവന്നത്.
ന്യൂയോർക്ക് പോസ്റ്റിന്റെ റിപ്പോർട്ട് അനുസരിച്ച്, എപ്സ്റ്റീന്റെ അവസാനത്തെ അറിയപ്പെടുന്ന കാമുകി കരീന ഷുലിയകാണ്ട് ആയിരുന്നു, അയാൾ തന്റെ സ്വകാര്യ ദ്വീപും 50 മില്യൺ ഡോളറും അപ്പർ ഈസ്റ്റ് സൈഡ് ടൗൺഹൗസും അവർക്ക് വിട്ടുകൊടുക്കാൻ ആഗ്രഹിച്ചു. 2019 ഓഗസ്റ്റ് 8 ന്, മാൻഹട്ടൻ ജയിൽ സെല്ലിൽ മരിച്ച നിലയിൽ കണ്ടെത്തുന്നതിന് രണ്ട് ദിവസം മുമ്പാണ്, എപ്സ്റ്റീൻ തൻ്റെ വിൽപത്രത്തിൽ ഒപ്പിട്ടത്.
Former Prince Andrew’s ex-wife Sarah Ferguson claims Jeffrey Epstein had a secret son
