തേജസ് യുദ്ധവിമാനം തകർന്നുവീണുവെന്ന റിപ്പോർട്ടുകൾ നിഷേധിച്ച് എച്ച്എഎൽ

തേജസ് യുദ്ധവിമാനം തകർന്നുവെന്ന വാർത്തകൾ തള്ളി ഹിന്ദുസ്ഥാൻ എയ്റോനോട്ടിക്‌സ് ലിമിറ്റഡ് ( Hindustan Aeronautics Limited (HAL)) രംഗത്ത്. സംഭവം ചെറിയ സാങ്കേതിക പ്രശ്നം മാത്രമാണെന്നും, യാതൊരു അപകടവും റിപ്പോർട്ട് ചെയ്തിട്ടില്ലെന്നും കമ്പനി വ്യക്തമാക്കി. ലോകത്തിലെ സമകാലീന യുദ്ധവിമാനങ്ങളിൽ മികച്ച സുരക്ഷാ റെക്കോർഡുകളിലൊന്നാണ് LCA തേജസിനുള്ളതെന്നും HAL പ്രസ്താവനയിൽ അറിയിച്ചു.

“LCA തേജസ് സംബന്ധിച്ച സമീപകാല മാധ്യമ റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ട്. യാഥാർത്ഥ്യാവസ്ഥ വ്യക്തമാക്കാൻ ഞങ്ങൾ ആഗ്രഹിക്കുന്നു. LCA തേജസ് തകർന്നെന്ന വിവരം ശരിയല്ല. ചെറിയ സാങ്കേതിക പ്രശ്നമാണ് ഉണ്ടായത്,” എന്ന് HAL എക്സിൽ പങ്കുവെച്ച പ്രസ്താവനയിൽ വ്യക്തമാക്കി. സാധാരണ പ്രവർത്തനരീതിപ്രകാരം പ്രശ്നം വിശദമായി പരിശോധിച്ചുവരികയാണെന്നും ഇന്ത്യൻ എയർ ഫോഴ്സുമായി (IAF) യുമായി ചേർന്ന് വേഗത്തിലുള്ള പരിഹാരത്തിനായി പ്രവർത്തിക്കുകയാണെന്നും കമ്പനി കൂട്ടിച്ചേർത്തു.

ഇതിനുമുമ്പ് പി.ടി.ഐ വാർത്താ ഏജൻസിയും മറ്റു ചില മാധ്യമങ്ങളും ഈ മാസം ആദ്യം ഒരു മുൻനിര വ്യോമതാവളത്തിൽ റൺവേ മറികടന്നതിനെ തുടർന്ന് ഇന്ത്യൻ എയർ ഫോഴ്സിൻ്റെ (IAF) ന്റെ തേജസ് യുദ്ധവിമാനത്തിന് വലിയ കേടുപാടുകൾ സംഭവിച്ചതായി റിപ്പോർട്ട് ചെയ്തിരുന്നു. എന്നാൽ, സംഭവം നടന്ന സ്ഥലം വ്യക്തമാക്കിയിരുന്നില്ല.

ഫെബ്രുവരി 7-ന് പരിശീലന പറക്കലിന് ശേഷം ബേസിലേക്ക് മടങ്ങുന്നതിനിടെ ബ്രേക്ക് തകരാറുണ്ടായെന്നാണ് സംശയിക്കുന്നത്. ഇതാണ് വിമാനം റൺവേയ്ക്ക് പുറത്തേക്ക് പോകാൻ കാരണമായതെന്നും റിപ്പോർട്ടുകൾ പറയുന്നു. സംഭവത്തിൽ വിമാനത്തിന്റെ ഘടനയ്ക്ക് ഗൗരവമായ നാശനഷ്ടം സംഭവിച്ചതായും സൂചനയുണ്ട്. പൈലറ്റ് വലിയ പരിക്കുകളില്ലാതെ രക്ഷപ്പെട്ടതായും റിപ്പോർട്ടുകൾ പറയുന്നു.

HAL ഇതിനെ ചെറിയ സാങ്കേതിക പ്രശ്നമെന്നു വിശേഷിപ്പിച്ചിട്ടുണ്ടെങ്കിലും, 2015-ൽ സേവനത്തിൽ പ്രവേശിച്ചതിന് ശേഷം തേജസ് വിമാനവുമായി ബന്ധപ്പെട്ട മൂന്നാമത്തെ അപകടമാണിത്. ആദ്യ അപകടം 2024 മാർച്ചിൽ ജൈസൽമീറിന് സമീപം നടന്നിരുന്നു. രണ്ടാം അപകടം 2025 നവംബറിൽ ദുബൈ എയർ ഷോയിലെ വ്യോമപ്രകടനത്തിനിടെ നടന്നതും, അതിൽ പൈലറ്റ് മരണപ്പെട്ടതുമാണ്.

Aeronautical Development Agency രൂപകൽപ്പന ചെയ്ത തേജസ് യുദ്ധവിമാനം ഹിന്ദുസ്ഥാൻ എയ്റോനോട്ടിക്‌സ് ലിമിറ്റഡ് (HAL) ആണ് നിർമ്മിക്കുന്നത്. ഒറ്റ എഞ്ചിൻ ഉപയോഗിക്കുന്ന, മൾട്ടി-റോൾ ശേഷിയുള്ള തേജസ് യുദ്ധവിമാനം ഉയർന്ന ഭീഷണി നിലനിൽക്കുന്ന വ്യോമപ്രദേശങ്ങളിലും പ്രവർത്തിക്കാൻ ശേഷിയുള്ളതാണ്. വ്യോമ പ്രതിരോധം, സമുദ്ര നിരീക്ഷണം, ആക്രമണ ദൗത്യങ്ങൾ തുടങ്ങിയവ നിർവഹിക്കാൻ ഇത് രൂപകൽപ്പന ചെയ്തിരിക്കുന്നു. നിലവിൽ ഇന്ത്യൻ എയർ ഫോഴ്സിൻ്റെ (IAF) ന കൈവശം 30 തേജസ് യുദ്ധവിമാനങ്ങളുണ്ട്.

HAL denies reports of Tejas fighter jet crash