കോണ്ഗ്രസില് പ്രവര്ത്തിക്കാനാണ് തനിക്ക് ആഗ്രഹമെന്നും ബിജെപി സ്ഥാനാര്ഥിയാകാനില്ലെന്നു മുന് തൃശൂർ മേയര് എം കെ വര്ഗീസ്. തിരഞ്ഞെടുപ്പില് മത്സരിക്കാന് ആലോചിക്കുന്നില്ലെന്നും എം കെ വര്ഗീസ് പറഞ്ഞു. കോണ്ഗ്രസിലേക്ക് തിരിച്ചു പോകാന് തന്നെയാണ് എന്റെ താത്പര്യം. ഇനി മത്സര രംഗത്തേക്ക് വരാന് ഞാന് ആഗ്രഹിക്കുന്നില്ല. സാധാരണ പ്രവര്ത്തകനായി നിലനില്ക്കാനാണ് ആഗ്രഹം. ഒരു അധികാരത്തിനും താത്പര്യമില്ല. ഏത് പാര്ട്ടിയിലും മത്സരിക്കണമെന്ന് ആഗ്രഹിച്ച് നടക്കുന്നവരുണ്ടന്നും അവരുമായിട്ടൊരു യുദ്ധത്തിനൊന്നും ഞാന് തയാറല്ലെന്നും എം കെ വർഗീസ് പറഞ്ഞു.
സജീവ പ്രവര്ത്തകനായി കോണ്ഗ്രസില് പ്രവര്ത്തിക്കാനാണ് ആഗ്രഹം. പല ആളുകളും വിളിക്കുന്നുണ്ട്. സംസ്ഥാന തലത്തിലുള്ള ആളുകള് വിളിക്കുന്നുണ്ട്. അതുമായി ബന്ധപ്പെട്ട നടപടിക്രമങ്ങളുമായി മുന്നോട്ട് പോകുമെന്നും അദ്ദേഹം കൂട്ടിച്ചേർത്തു. അതേസമയം, നിയമസഭാ തിരഞ്ഞെടുപ്പില് തൃശൂരിലെ വിവിധ മണ്ഡലങ്ങളില് പ്രമുഖരെ സ്ഥാനാര്ഥിയാക്കാന് ബിജെപി നീക്കം നടത്തുന്നതായി റിപ്പോര്ട്ടുകളുണ്ടായിരുന്നു. മണ്ഡലം – ജില്ലാ കോര് കമ്മറ്റി അംഗങ്ങളില് നിന്ന് ലഭിച്ച നിര്ദേശങ്ങളില് പ്രമുഖരും ഇതര രാഷ്ട്രീയ പാര്ട്ടി പ്രവര്ത്തകരും ഉള്പ്പെടും. എം കെ വര്ഗീസിന്റെ പേരും ഇക്കൂട്ടത്തില് ഉള്പ്പെട്ടിരുന്നു.
‘I want to work in Congress’; MK Varghese says he will not be a BJP candidate
