2022-ൽ റഷ്യ തങ്ങളുടെ രാജ്യത്ത് പൂർണ്ണ തോതിലുള്ള അധിനിവേശം ആരംഭിച്ചതിനുശേഷം യുക്രെയ്ന് ഏറ്റവും മാരകമായ വർഷമായിരുന്നു 2025. ഇതേ വർഷം യുക്രെയ്നിൽ 2,514 സിവിലിയന്മാർ കൊല്ലപ്പെട്ടതായി ഐക്യരാഷ്ട്രസഭയുടെ (UN) റിപ്പോർട്ട് സ്ഥിരീകരിക്കുന്നു. ഈ ഒരുവർഷംകൊണ്ട് മാത്രം കുറഞ്ഞത് 12,142 പേർക്ക് പരിക്കേൽക്കുകയും ചെയ്തു. ഇത് 2024-നെ അപേക്ഷിച്ച് സിവിലിയൻ ആഘാതത്തിൽ 31% വർദ്ധനവ് രേഖപ്പെടുത്തുന്നു.
കൊല്ലപ്പെട്ടവരിൽ മൂന്നിലൊന്നിലധികം ആളുകൾ (ഏകദേശം 35%) മുൻനിരയിൽ നിന്ന് വളരെ അകലെയുള്ള പ്രദേശങ്ങളിൽ വെച്ചാണ് ആക്രമിക്കപ്പെട്ടത്. നഗരങ്ങളെ ലക്ഷ്യമിട്ടുള്ള റഷ്യയുടെ തീവ്രമായ മിസൈൽ, ഡ്രോൺ ആക്രമണങ്ങളാണ് ഇതിന് പ്രധാന കാരണമായി ചൂണ്ടിക്കാട്ടപ്പെടുന്നത്.
കഴിഞ്ഞ നവംബർ 19-ന് പടിഞ്ഞാറൻ നഗരമായ ടെർനോപ്പിലിൽ നടന്ന ആക്രമണത്തിൽ 8 കുട്ടികളടക്കം 38 പേരാണ് കൊല്ലപ്പെട്ടത്. കൂടാതെ, ജൂലൈ 31-ന് കീവിൽ നടന്ന ആക്രമണത്തിൽ 32 പേരും കൊല്ലപ്പെട്ടു. ദീർഘദൂര മിസൈലുകളുടെയും ഡ്രോണുകളുടെയും വർദ്ധിച്ച ഉപയോഗം, ഊർജ്ജ ഇൻഫ്രാസ്ട്രക്ചറുകൾക്ക് നേരെയുള്ള ആക്രമണങ്ങൾ എന്നിവ യുക്രൈൻ ജനതയുടെ മരണങ്ങൾ ഉയരാൻ കാരണമായി.
In 2025 Ukraine suffers more loss of life; Russia kills 2,514 people
