അമേരിക്ക – ഇറാൻ – ഇസ്രയേൽ സംഘർഷത്തിൽ റഷ്യൻ എണ്ണ വാങ്ങാൻ യു എസ് അനുമതി നൽകിയതോടെ റഷ്യയിൽ നിന്ന് എണ്ണ വാങ്ങി ഇന്ത്യ. 30 ദശലക്ഷം ബാരൽ എണ്ണയാണ് റഷ്യയിൽ നിന്ന് ഇന്ത്യൻ എണ്ണ കമ്പനികൾ വാങ്ങിയതായി വിവരം. നേരത്തെ റഷ്യയിൽ നിന്ന് എണ്ണ വാങ്ങുന്നത് ഇന്ത്യൻ എണ്ണ കമ്പനികൾ കുറച്ചിരുന്നു. ഇന്ത്യയിലേക്കും മറ്റും വ്യാപാരത്തിനുള്ള പ്രധാന ജലപാതയായ ഹോർമുസ് കടലിടുക്ക് അടച്ചുപൂട്ടിയതിനെ തുടർന്നുണ്ടായ ആഘാതം പരിഹരിക്കുന്നതിനാണ് റഷ്യൻ എണ്ണ ഇന്ത്യൻ വാങ്ങുന്നത്.
കഴിഞ്ഞ വർഷം മുതൽ യുഎസ് സമ്മർദ്ദത്തിന് മറുപടിയായി ഇന്ത്യ റഷ്യയിൽ നിന്നുള്ള എണ്ണ വാങ്ങൽ നിർത്തലാക്കിയിരുന്നു, സൗദി അറേബ്യയിൽ നിന്നും ഇറാഖിൽ നിന്നുമുള്ള ബാരലുകൾ ഉപയോഗിച്ച് വിടവ് നികത്തിയിരുന്നു, എന്നാൽ മിഡിൽ ഈസ്റ്റിലെ വർദ്ധിച്ചുവരുന്ന സംഘർഷത്തെത്തുടർന്ന് വിതരണങ്ങൾ തടസ്സപ്പെട്ടു. ഇറാനിൽ യുഎസ്, ഇസ്രായേൽ ആക്രമണം ആരംഭിച്ചതിനുശേഷം മേഖലയിലെ പ്രധാന ഉൽപാദകരെ ലോകത്തിന്റെ മറ്റു ഭാഗങ്ങളുമായി ബന്ധിപ്പിക്കുന്ന ഹോർമുസ് കടലിടുക്ക് അടച്ചു.
അതേസമയം റഷ്യൻ എണ്ണ സ്വീകരിക്കാൻ ഇന്ത്യയ്ക്ക് അമേരിക്ക നൽകിയത് താൽക്കാലിക അനുമതി എന്ന് വൈറ്റ് ഹൗസ് പ്രസ് സെക്രട്ടറി കരൊലീൻ ലീവിറ്റ് വ്യക്തമാക്കിയിരുന്നു. ഇറാനുമായുള്ള സംഘർഷത്തിനിടെ ആഗോള ഊർജ വിതരണം സുഗമമാക്കുന്നതിന്റെ ഭാഗമായി,കടലിൽ എത്തിയിട്ടുള്ള എണ്ണ വാങ്ങിക്കാനാണ് അനുമതി. ഈ ഹ്രസ്വകാല ഇളവ് വഴി റഷ്യയ്ക്ക് കാര്യമായ സാമ്പത്തിക നേട്ടം ഉണ്ടാകില്ലെന്നും അവർ കൂട്ടിച്ചേർത്തു.
India buys 30 million barrels of oil after US gives permission to buy Russian oil
