ഷിക്കാഗോയിലെ വിവിധ പെന്തക്കോസ്ത് സഭകളുടെ സംയുക്ത പ്രവർത്തന വേദിയായ ഫെലോഷിപ്പ് ഓഫ് പെന്തക്കോസ്തൽ ചർച്ചസ് ഇൻ ഷിക്കാഗോയുടെയും അതിന്റെ യുവജന വിഭാഗമായ ഷിക്കാഗോ ക്രിസ്ത്യൻ ഫെലോഷിപ്പിന്റെയും സംയുക്ത ആഭിമുഖ്യത്തിൽ സെപ്റ്റംബർ 18 വെള്ളി മുതൽ 20 ഞായർ വരെ സംയുക്ത കൺവൻഷനും ആരാധനയും നടക്കും.
ഡബ്ലിയു എം ഇ സഭകളുടെ അന്തർദേശീയ പ്രസിഡൻ്റ് റെവ ഡോ ഓ എം രാജുകുട്ടി, പാസ്റ്റർ സ്റ്റീവ് ജോൺസ് എന്നിവർ മുഖ്യാതിഥികൾ ആയിരിക്കും. വെള്ളിയാഴ്ച വൈകിട്ട് ആറര മണിക്ക് ആരംഭിക്കുന്ന പ്രഥമ യോഗം ഗിൽഗാൽ പെന്തക്കോസ്തൽ അസംബ്ലിയിൽ വച്ചായിരിക്കും. ശനിയാഴ്ച വൈകിട്ട് ആറര മണിക്കും ഞായറാഴ്ച്ച രാവിലെ ഒമ്പതര മണിക്കും ലൈൽസിൽ ഉള്ള ബെനഡിക്ട്ൻ യൂണിവേഴ്സിറ്റിയുടെ ഓഡിറ്റോറിയത്തിലാണ് സമ്മേളനം നടക്കുന്നത്. സി സി എഫ്, എഫ് പി സി സി കൊയർ പ്രയിസ് ആൻഡ് വർഷിപ്പിന് നേതൃത്വം നൽകും.
ഞായറാഴ്ച രാവിലെ നടക്കുന്ന ആരാധനയോഗത്തിൽ വിശുദ്ധ തിരുവത്താഴ ശുശ്രൂഷയും ഉണ്ടായിരിക്കും. മലയാളത്തിലും ഇംഗ്ലീഷിലും വെവ്വേറെ സമ്മേളനങ്ങൾ ആണ് ഈ വർഷം ക്രമീകരിച്ചിരിക്കുന്നത്. എഫ് പി സി സി കൺവീനർമാരായ പാസ്റ്റർ സേവിയർ ജെയിംസ്, പാസ്റ്റർ എം ജി ജോൺസൺ, സി സി എഫ് പ്രസിഡന്റ് ബിനോയി ചാക്കോ എന്നിവർ നേതൃത്വം നൽകും. 16 പ്രാദേശിക സഭകളുടെ സംയുക്ത പ്രവർത്തന വേദിയാണ് എഫ്പിസിസി.
Joint Pentecostal convention and worship in Chicago starting September 18
