തിരുവനന്തപുരം : സംസ്ഥാനത്ത് ഇന്ന് നേരിയതോ ഇടത്തരമോ ആയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഈ മഴ ചൊവ്വാഴ്ച (ജനുവരി 13) വരെ തുടരാൻ സാധ്യതയുണ്ടെന്നാണ് പ്രവചനം.
ഇടിമിന്നലോട് കൂടിയ മഴയ്ക്കാണ് സാധ്യത. തെക്കുപടിഞ്ഞാറൻ ബംഗാള് ഉള്ക്കടലിന് മുകളിലായി അതി തീവ്ര ന്യൂനമർദ്ദം സ്ഥിതി ചെയ്യുന്നുണ്ടെങ്കിലും കേരളത്തെ നിലവില് അത് ബാധിക്കില്ല. അതിനാല് കേരള, കർണാടക ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ല.
തെക്കന് കേരളത്തിന് സമീപം തെക്ക് കിഴക്കന് അറബിക്കടലിനു മുകളില് ചക്രവാതച്ചുഴി സ്ഥിതി ചെയ്യുന്നുണ്ട്. ഇതിന്റെയെല്ലാം സ്വാധീനഫലമായാണ് ഈ ദിവസങ്ങളില് മഴ ലഭിക്കുക എന്നും കാലാവസ്ഥ വകുപ്പ് നല്കിയ മുന്നറിയിപ്പില് പറയുന്നു.
Kerala rain update today.
