ഇറാനെതിരെ അമേരിക്കയും ഇസ്രയേലും ആക്രമണം നടത്തിയതിനെ തുടർന്ന് ഇറാൻ്റെ തിരിച്ചടിയിൽ സംഘർഷഭരിതമായി മധ്യപൂർവ്വേഷ്യ. സംഘർഷം രൂക്ഷമായതോടെ ദുബായ് അന്താരാഷ്ട്ര വിമാനത്താവളത്തിൽ എല്ലാ വിമാന സർവീസുകളും അടുത്ത അറിയിപ്പ് വരുന്നതുവരെ താൽക്കാലികമായി നിർത്തിവെച്ചതായി റിപ്പോർട്ടുകളുണ്ട്. വിമാനത്താവളത്തിനടുത്ത് നിരവധി സ്ഫോടനങ്ങൾ കേട്ടതിനെ തുടർന്നാണ് ഈ തീരുമാനം.ശനിയാഴ്ച അമേരിക്കയും ഇസ്രയേലും ഇറാനെതിരെ വലിയ ആക്രമണം നടത്തിയതിന് പിന്നാലെയാണ് സാഹചര്യം വഷളായത്.
അമേരിക്കൻ പ്രസിഡന്റ് ഡൊണാൾഡ് ട്രംപ് ഇറാൻ ജനങ്ങളോട് “നിങ്ങളുടെ ഭാവി നിങ്ങൾ തന്നെ നിയന്ത്രിക്കുക” എന്ന് ആഹ്വാനം ചെയ്തിരുന്നു. അമേരിക്ക-ഇസ്രയേൽ ആക്രമണത്തിന് മണിക്കൂറുകൾക്കകം ഇറാൻ ഗൾഫ് രാജ്യങ്ങളിലെ അമേരിക്കൻ സൈനിക താവളങ്ങളെ ലക്ഷ്യമാക്കി തിരിച്ചടിച്ചു. ദോഹ, അബുദാബി എന്നിവ ഉൾപ്പെടെ മധ്യപൂർവ്വേഷ്യയിലെ പല നഗരങ്ങളിലും മിസൈലുകൾ തടഞ്ഞുവെന്നാണ് റിപ്പോർട്ട്.
ദുബായിലെ പ്രശസ്തമായ മനുഷ്യനിർമ്മിത ദ്വീപായ പാം ജുമൈറ പ്രദേശത്ത് വലിയ സ്ഫോടന ശബ്ദങ്ങൾ കേൾക്കുകയും കനത്ത പുക ഉയരുന്നതായി ദൃക്സാക്ഷികൾ അറിയിച്ചു. ഒരു കെട്ടിടത്തിൽ ഉണ്ടായ സംഭവത്തെ തുടർന്ന് തീപിടിത്തമുണ്ടായി, നാല് പേർക്ക് പരിക്കേറ്റതായി അധികൃതർ അറിയിച്ചു. പാം ജുമൈറ മേഖലയിലെ ഒരു കെട്ടിടത്തിൽ ഉണ്ടായ സംഭവത്തെ തുടർന്ന് തീപിടിത്തമുണ്ടായെന്നും നാല് പേർക്ക് പരിക്കേറ്റുവെന്നും ദുബായ് മീഡിയ ഓഫീസ് സ്ഥിരീകരിച്ചു. “തീപിടിത്തം ഇപ്പോൾ നിയന്ത്രണവിധേയമാണ്. പരിക്കേറ്റ നാല് പേരെയും ചികിത്സയ്ക്കായി ആശുപത്രികളിലേക്ക് മാറ്റിയിട്ടുണ്ട്,” എന്നും അധികൃതർ അറിയിച്ചു.
സംഭവത്തിൽ രാജ്യത്തിന്റെ വ്യോമ പ്രതിരോധ സംവിധാനങ്ങൾ മിസൈലുകളെ വിജയകരമായി തടഞ്ഞതായി UAE Ministry of Defence പ്രസ്താവന അറിയിച്ചു. “രാജ്യത്തിന്റെ സുരക്ഷയും സ്ഥിരതയും തകർക്കാനുള്ള ഏതെങ്കിലും ശ്രമങ്ങളെ ശക്തമായി ചെറുക്കാൻ എല്ലാ ആവശ്യമായ നടപടികളും സ്വീകരിച്ചുവരികയാണ്,” എന്നാണ് മന്ത്രാലയം വ്യക്തമാക്കിയിരിക്കുന്നത്.“ഇന്ന് ഇറാനിയൻ ബാലിസ്റ്റിക് മിസൈലുകളിലൂടെ യുഎഇക്കെതിരെ തുറന്നാക്രമണം നടന്നു. എന്നാൽ വ്യോമ പ്രതിരോധ സംവിധാനം നിരവധി മിസൈലുകൾ തടഞ്ഞു,” മന്ത്രാലയം അറിയിച്ചു.
അബുദാബിയിൽ വീണ മിസൈൽ അവശിഷ്ടം മൂലം ഒരു സാധാരണ പൗരൻ മരണപ്പെട്ടതായും പ്രതിരോധ മന്ത്രാലയം അറിയിച്ചു.അതേസമയം, സൗദി, യുഎഇ നേതാക്കൻമാരായ Mohammed bin Salmanയും Mohamed bin Zayedയും ടെലിഫോണിലൂടെ ചര്ച്ച നടത്തി. ഗൾഫ് മേഖലയിൽ ഇറാൻ നടത്തിയ തിരിച്ചടിയെ അവർ ശക്തമായി അപലപിച്ചു. പ്രദേശത്തിന്റെ സുരക്ഷയും സ്ഥിരതയും തകർക്കുന്ന “അപായകരമായ നടപടി” ആണിതെന്നും ഇരുവരും അഭിപ്രായപ്പെട്ടു. മധ്യപൂർവ്വേഷ്യയിൽ താമസിക്കുന്ന പൗരന്മാർക്ക് മുന്നറിയിപ്പുകൾ നൽകാൻ പല രാജ്യങ്ങളും ത്വരിത നടപടികൾ സ്വീകരിച്ചു. യുഎഇ പോലുള്ള രാജ്യങ്ങളിൽ വലിയ തോതിൽ പ്രവാസികൾ താമസിക്കുന്നതിനാൽ സ്ഥിതിഗതികൾ ആശങ്കാജനകമായി തുടരുകയാണ്.
Middle East in turmoil: Flight services suspended, fire breaks out on Palm Jumeirah, four injured
