ഭാര്യ ഉന്നയിച്ച ആരോപണങ്ങളിൽ മന്ത്രി കെ ബി ഗണേഷ്കുമാര് രാജി വെക്കില്ല. മന്ത്രിസഭാ യോഗത്തിന് ശേഷം ഗണേഷ് മുഖ്യമന്ത്രിയുമായി കൂടിക്കാഴ്ച നടത്തി. കുടുംബ പ്രശ്നങ്ങള് രാഷ്ട്രീയമല്ലെന്നാണ് ഗണേഷിന്റെ നിലപാട്. മുഖ്യമന്ത്രിയോട് മന്ത്രി കാര്യങ്ങള് വിശദീകരിച്ചു. എന്നാല്, ഗണേഷ് കുമാറിന് എതിരായ പരാതി മന്ത്രിസഭാ യോഗത്തില് ചര്ച്ചയായില്ല. രാജി അഭ്യൂഹം മാധ്യമങ്ങള് ഉണ്ടാക്കിയതെന്ന് കെ ബി ഗണേഷ് കുമാര് പ്രതികരിച്ചു.
അതേസമയം, ഭാര്യ ബിന്ദു മേനോന് നടത്തിയ തുറന്നുപറച്ചിലിന് പിന്നാലെ മന്ത്രി കെ ബി ഗണേഷ്കുമാര് രാജിവച്ചേക്കുമെന്ന അഭ്യൂഹങ്ങള് ഉയർന്നത്. തുടർന്ന് ഇന്ന് രാവിലെ തന്നെ ഫോണില് വിളിച്ച ഗണേഷ്കുമാര് മാപ്പ് പറഞ്ഞെന്നും പൊലീസില് പരാതി നല്കാനില്ലെന്നുമാണ് ഭാര്യബിന്ദുമേനോന്റെ വിശദീകരണം. ഇന്നലെ താന് നടത്തിയത് വൈകാരിക പ്രതികരണമെന്നും തമ്മില് സംസാരിച്ച് എല്ലാം പരിഹരിക്കാമെന്ന് ഗണേഷ്കുമാര് ഉറപ്പ് നല്കിയെന്നും ബിന്ദു മേനോന് പറഞ്ഞു.
Minister KB Ganeshkumar will not resign; met with Chief Minister
