ദുബായ്: ഇറാനിൽ നിന്നുള്ള മിസൈൽ, ഡ്രോൺ ആക്രമണ ഭീഷണികളെത്തുടർന്ന് യുണൈറ്റഡ് അറബ് എമിറേറ്റ്സ് (യുഎഇ) താൽക്കാലികമായി തങ്ങളുടെ വ്യോമാതിർത്തി അടച്ചു. ചൊവ്വാഴ്ച പുലർച്ചെ മുതൽ പ്രാബല്യത്തിൽ വന്ന ഈ തീരുമാനം ഒരു മുൻകരുതൽ നടപടിയാണെന്ന് യുഎഇ ഏവിയേഷൻ അതോറിറ്റി അറിയിച്ചു.
ഇറാനിൽ നിന്ന് തൊടുത്തുവിട്ട മിസൈലുകളെയും ഡ്രോണുകളെയും യുഎഇയുടെ വ്യോമ പ്രതിരോധ സംവിധാനം വിജയകരമായി പ്രതിരോധിക്കുന്നുണ്ടെന്നാണ് അന്താരാഷ്ട്ര വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്യുന്നത്. നിലവിലെ സാഹചര്യത്തിൽ സുരക്ഷ ഉറപ്പാക്കുന്നതിനായി “അസാധാരണമായ മുൻകരുതൽ നടപടി” എന്ന നിലയിലാണ് വ്യോമഗതാഗതം നിർത്തിവെച്ചിരിക്കുന്നത്.
വിമാന സർവീസുകൾ തടസ്സപ്പെട്ടതോടെ യാത്രക്കാർ ജാഗ്രത പാലിക്കണമെന്നും വിമാനക്കമ്പനികളുമായി ബന്ധപ്പെടണമെന്നും അധികൃതർ നിർദ്ദേശിച്ചിട്ടുണ്ട്. കൂടുതൽ വിവരങ്ങൾ ലഭ്യമായി വരുന്നതേയുള്ളൂ.
Missile-drone threat from Iran: UAE temporarily closes airspace
