തിരുവനന്തപുരം: നിയമസഭാ തെരഞ്ഞെടുപ്പിനുള്ള ബിജെപിയുടെ പ്രകടന പത്രിക വമ്പൻ വാഗ്ദാനങ്ങളുമായി പുറത്തിറക്കി. ഇതാണ് മാറ്റം, ഇതാണ് വികസിത കേരളം എന്ന് തലവാചകത്തോടെ പുറത്തിറക്കിയ പ്രകടന പത്രിക ബിജെപി ദേശീയ അധ്യക്ഷൻ നിതിൻ നവീൻ പ്രകാശനം ചെയ്തു. പ്രകടന പത്രികയിലെ പ്രധാന പ്രഖ്യാപനം കേരളത്തിൽ എയിംസ് യഥാര്ഥ്യമാക്കുമെന്നാണ്. തിരുവനന്തപുരത്തും കോഴിക്കോടും മെട്രോ റെയിൽ പദ്ധതി നടപ്പാക്കുമെന്നും തിരുവനന്തപുരം മുതൽ കണ്ണൂര് വരെയുള്ള അതിവേഗ പാത യാഥാര്ഥ്യമാക്കുമെന്നും പ്രകടന പത്രികയിൽ വാഗ്ദാനം ചെയ്യുന്നു.
കൂടാതെ, നിര്ധന കുടുംബങ്ങള്ക്ക് വര്ഷത്തിൽ രണ്ട് എൽപിജി സിലിണ്ടര് സൗജന്യമായി നൽകും, ഒരോ വീടിനും പ്രതിമാസം 20000 ലിറ്റര് സൗജന്യ കുടിവെള്ളം, ക്ഷേമ പെൻഷൻ 3000 രൂപയാക്കും തുടങ്ങിയ പ്രഖ്യാപനങ്ങളും പ്രകടന പത്രികയിൽ നൽകുന്നുണ്ട്. സംസ്ഥാനത്തെ ദേവസ്വം ബോര്ഡുകള് പുന:സംഘടിപ്പിക്കും. ശബരിമല സ്വര്ണക്കൊള്ള കേസ് സിബിഐ അന്വേഷിക്കുമെന്നും പ്രകടന പത്രികയിലുണ്ട്. പ്രകടന പത്രിക പ്രകാശന ചടങ്ങിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖര്, മേയര് വിവി രാജേഷ്, ട്വന്റി 20 കോഓര്ഡിനേറ്റര് ചീഫ് സാബു ജേക്കബ്, ബിഡിജെഎസ് സംസ്ഥാന അധ്യക്ഷൻ തുഷാര് വെള്ളാപ്പള്ളി തുടങ്ങിയവരും പങ്കെടുത്തു.
Kerala Assembly election 2026; The BJP-led NDA released its “Vikasita Keralam” (Developed Kerala) manifesto for the 2026 Kerala Assembly elections. The manifesto promises major infrastructure, including an AIIMS, a Thiruvananthapuram-Kannur high-speed rail, and new metro rail projects,
