ശബരിമല കൊടിമര പുനഃപതിഷ്ഠയില് പ്രഥമദൃഷ്ട്യാ ക്രമക്കേട് നടന്നിട്ടില്ലെന്ന വിജിലന്സ് ത്വരിതാന്വേഷണ റിപ്പോര്ട്ട് അംഗീകരിച്ച് ഹൈക്കോടതി. കേസ് ഹൈക്കോടതി അവസാനിപ്പിച്ചു. ഇതോടെ കൊടിമര പുനഃപതിഷ്ഠയില് സംശയനിഴലിലായ യുഡിഎഫ് ഭരണസമിതിയ്ക്ക് ആശ്വാസമായി. 2017ലായിരുന്നു കൊടിമര പുനഃപ്രതിഷ്ഠ. സംഭാവനയായി ലഭിച്ച സ്വര്ണത്തിന്റെ കണക്കുകളില് ആയിരുന്നു അവ്യക്തത.
412ഗ്രാം സ്വര്ണമാണ് കൊടിമരം സ്വര്ണം പൂശാന് സംഭവന ലഭിച്ചത്. മുഴുവന് സ്വര്ണവും വാചിവാഹന, അഷ്ടദിക് പാലകരുടെ നിര്മ്മാണതിതന് ഉപയോഗിച്ചു. സംഭാവന നല്കിയ 23 പേരുടെ മൊഴിയും വിജിലന്സ് രേഖപ്പെടുത്തി. തുടര്ന്നാണ് കേസ് എടുക്കാന് തെളിവുകളില്ലെന്ന നിഗമനത്തില് വിജിലന്സ് എത്തിയത്. അതേസമയം, ഹൈക്കോടതി നടപടിയെ യുഡിഎഫ് നേതാക്കള് സ്വാഗതം ചെയ്തു.
പുനഃപ്രതിഷ്ഠ ഹൈക്കോടതി അനുമതിയോടെയെന്നും യുഡിഎഫ് കാലത്ത് ക്രമക്കേട് നടന്നിട്ടില്ലെന്നും പ്രതിപക്ഷനേതാവ് വി ഡി സതീശന് പ്രതികരിച്ചു. എല്ഡിഎഫിന്റെ സ്വര്ണക്കൊള്ള മറയ്ക്കാന് വേണ്ടി നടത്തിയ ശ്രമമാണ് ഇതെന്ന് മുന് ദേവസ്വം ബോര്ഡ് അംഗം അജയ് തറയില് പറഞ്ഞു.
No irregularities in Sabarimala flagpole re-installation; High Court closes case, UDF relieved
