തൃശൂരിൽ ശിവരാത്രി ചടങ്ങില് പങ്കെടുക്കാനെത്തിയ കേന്ദ്രമന്ത്രി സുരേഷ് ഗോപി ഔദ്യോഗിക വാഹനം വൈകിയതിനെ തുടര്ന്ന് ഓട്ടോറിക്ഷയില് മടങ്ങി. ശിവരാത്രി മഹാപരിക്രമയാത്രയ്ക്കിടയിലാണ് സംഭവം. വടക്കുംനാഥ ക്ഷേത്രത്തിന് സമീപമായിരുന്നു വാഹനം പാര്ക്ക് ചെയ്തിരുന്നത്. യാത്രയില് പങ്കെടുത്ത് വേഗത്തില് മടങ്ങാന് നിന്ന സുരേഷ് ഗോപിയ്ക്കരികിലേക്ക് സമയത്ത് ഔദ്യോഗിക വാഹനം എത്തിയില്ല. തുടർന്ന് ഉടനെ തന്നെ ഓട്ടോസ്റ്റാന്റില് നിന്ന് മന്ത്രി സുരേഷ് ഗോപി തന്നെ ഓട്ടോ കൈകാട്ടി വിളിക്കുകയും അതില് രാമനിലയത്തിലേക്ക് മടങ്ങുകയുമായിരുന്നു.
അതേസമയം, മന്ത്രി സുരേഷ് ഗോപി ഓട്ടോയില് കയറിയതിന് പിന്നാലെ ഗണ്മാന് വേഗത്തില് ഓട്ടോഡ്രൈവര്ക്കൊപ്പം വാഹനത്തിന്റെ മുന്നിലിരുന്നു. മറ്റൊരു ബിജെപി നേതാവും സുരേഷ് ഗോപിയ്ക്കൊപ്പം ഓട്ടോയില് കയറി. ഓട്ടോ പുറപ്പെട്ട് ഏതാനും നിമിഷങ്ങള്ക്കകം തന്നെ ഔദ്യോഗിക വാഹനം അവിടെയെത്തി. സ്വരാജ് റൗണ്ട് മുതല് രാമനിലയം വരെയായിരുന്നു സംഭവത്തില് സുരക്ഷാ വീഴ്ചയുണ്ടായോ എന്നതിലൂന്നി ചര്ച്ചകളും നടക്കുകയാണ്.
Official vehicle delayed; Union Minister Suresh Gopi returns Thrissur ramanilayam in autorickshaw
