യുഡിഎഫ് അധികാരത്തിലെത്തിയാല് മുഖ്യമന്ത്രിയാരാകുമെന്ന് കോണ്ഗ്രസ് ഹൈക്കമാന്ഡ് തീരുമാനിക്കുമെന്ന് രമേശ് ചെന്നിത്തല. തിരഞ്ഞെടുപ്പ് വിജയിക്കുന്നതിനാണ് ആദ്യ പരിഗണനയെന്നും മുഖ്യമന്ത്രി ആരാകണമെന്ന കാര്യം അതിന് ശേഷം ഹൈക്കമാന്ഡ് തീരുമാനിക്കുമെന്നും ഹൈക്കമാന്ഡിന് തന്നില് വിശ്വാസമുണ്ടെന്നും ഹൈക്കമാന്ഡ് എന്ത് പറഞ്ഞാലും അത് അംഗീകരിക്കുമെന്നും ട്വന്റിഫോര് ചാനലിലെ അഭിമുഖത്തിൽ രമേശ് ചെന്നിത്തല പ്രതികരിച്ചു.
നിര്ണായകമായ തിരഞ്ഞെടുപ്പാണ് യുഡിഎഫിനെ സംബന്ധിച്ച്. മുന്നണിയെ വിജയത്തിലേക്ക് നയിക്കാനുള്ള ചുമതല ഏല്പ്പിച്ചു. പ്രവര്ത്തനവുമായി മുന്നോട്ട് പോകുന്നു. പ്രൊഫഷണലിസം കൂടി നോക്കിക്കൊണ്ടുള്ള ക്യാംപെയ്നാണ് ലക്ഷ്യമിടുന്നതെന്നും തിരഞ്ഞെടുപ്പില് പത്ത് വര്ഷത്തെ സര്ക്കാരിന്റെ ജനവിരുദ്ധ നയങ്ങളാണ് ജനങ്ങള് വിലിരുത്തുന്നതെന്നും രമേശ് ചെന്നിത്തല പറഞ്ഞു.
കഴിഞ്ഞ പാർലമെൻ്റ്, തദ്ദേശ സ്വയംഭരണ തെരഞ്ഞെടുപ്പ് വിധികള് സര്ക്കാരിന് എതിരാണ്. ജനങ്ങള് സര്ക്കാരിനെ മാറ്റാന് ആഗ്രഹിക്കുന്നു. ജനങ്ങള് ഭരണമാറ്റത്തിന് വേണ്ടി തയാറായിക്കഴിഞ്ഞു. സീനിയര് നേതാക്കന്മാര്ക്ക് പരിഗണന കിട്ടാത്ത സാഹചര്യം കോണ്ഗ്രസിലില്ലെന്നും അദ്ദേഹം ചൂണ്ടിക്കാട്ടി. സീനിയേഴ്സിനേയും ചെറുപ്പക്കാരെയും ഒരുമിച്ച് കൊണ്ടുപോകുന്ന സമീപനമാണുള്ളത്. പുതിയ തലമുറയ്ക്ക് കൂടുതല് പ്രാധാന്യം കൊടുക്കുക എന്നതാണ് എന്റെയും ദൗത്യമെന്ന് വിശ്വസിക്കുന്നുവെന്നും രമേശ് ചെന്നിത്തല കൂട്ടിച്ചേർത്തു.
Ramesh Chennithala says Congress high command will decide the Chief Minister if UDF comes to power
