വണ്ടാനം മെഡിക്കല് കോളജില് ശസ്ത്രക്രിയ്ക്കിടെ വയറ്റില് കത്രിക കുടുങ്ങിയ ഉഷ ജോസഫ്കുട്ടിയുടെ ശസ്ത്രക്രിയ കൊച്ചി അമൃത ആശുപത്രിയിൽ പൂര്ത്തിയായി. ഉഷയുടെ വയറ്റിൽ നിന്ന് ആര്ട്ടറി ഫോര്സെപ്സ് എന്ന ശസ്ത്രക്രിയാ ഉപകരണം പുറത്തെടുത്തതായി കൊച്ചി അധികൃതര് അറിയിച്ചു. രോഗിയുടെ നില തൃപ്തികരമെന്നും ഡോക്ടേഴ്സ് അറിയിച്ചു. പുറത്തെടുത്ത ഉപകരണം അമ്പലപ്പുഴ പൊലീസിന് കൈമാറി.
ശസ്ത്രക്രിയയ്ക്ക് അമൃത ആശുപത്രിയിലെ ഗ്യാസ്ട്രോ സര്ജറി വിഭാഗം മേധാവി ഡോ. ഒ.വി സുധീര്, യൂറോളജി വിഭാഗം മേധാവി ഡോ. കെ. വി സഞ്ജീവന്, ഗൈനക്കോളജി വിഭാഗം മേധാവി ഡോ. രാധാമണി. കെ എന്നിവര് നേതൃത്വം നല്കി. കേരള സര്ക്കാര് നിര്ദേശിച്ച എറണാകുളം ഗവണ്മെന്റ് മെഡിക്കല് കോളജ് മെഡിക്കല് സൂപ്രണ്ട് ഡോ. ഗണേഷ് മോഹന്, സര്ജറി വിഭാഗം മേധാവി ഡോ. അബ്ദുള് സിയാദ് എ. കെ എന്നിവരും ശസ്ത്രക്രിയയില് ഉടനീളമുണ്ടായിരുന്നു.
Scissors stuck in stomach incident; Usha Josephkutty’s surgery completed, instrument removed
